CHAPITRE XXIII

D'une chose merveilleuse quy advint assez près de Soissons, ascçavoir, d'ung prestre quy baptisa ung crapault, et d'ung sorceron qu'on feit, dont quatre personnes moururent.

Audict an milquatre centssoixante, advintun cas merveilleulx, horrible et détestable, lequel pour mieulx entendre et la cruauté horrible, je mettray ung peu au long. Et pour venir à la matière, feut vray qu’en ung certain villaige nommé {..... .. - , assez près de Soissons, avoit ung curé nommé messire Ive Favins ; lequel prestre curé disoit à luy appartenir, comme curé, les dixmes dudict villaige. Et pour tant voullut avoir dixmes sur certaines terres et maisons appartenantes aux croisiés de Sainct-

(1) Lacune d'un mot dans le manuscrit.

[1460 - Jehan deJhérusalem ; et les voullut prendre ledict curésur le censier desdicts croisiés, nommé Jehan Rogier; lequel censier s’y opposa, et appella en garand ses maistres et seigneurs de Sainct-Jehan de Jhérusalem, lesquels le garandirent, et soutindrent ledict procès contre ledict curé, lequel feut grand procès; tellement que enfin ledict curé dechéit et perdit sa cause ; et feut condampné ès despends, qu’il paya, lesquels estoient grands et gros. Pour laquelle cause ledict curé conceupt très grande haine contreledictcensier, jà-soit-que ledict curé neluy en feist nul semblant. Or advint certain temps après que, comme en ladicte ville, y olt une pauvre femme y demourante, laquelle gaignoit sa vie à filer, et estoit du pays de Haynault, d’ong villaige nommé Merville, assez près d'Avesnes, et lequel est à l’abbaye de Maroilles, quy sont moines noirs. Icelle femme print du lin à filer pour la femme dudict censier Jehan Rogier, pour laquelle fillerie s’esmeut contempti entre icelle femme et la femme de Rogier, censier dessusdict.Etdisoit ladicte femme : que la femme dudict censier ne l’avoit point bien payée, et se plaindoit de ladicte censière en plusieurs lieulx ; et tant que cela vint à la cognoissance du curé. Lequel curé ayant en son cœur le dommaige qu’il avoit eu à cause da procès qu'il avoit perdu allencontre dudict censier, obstiné en haine couverte contre icelluy censier, pour luy pourchasser mal, s’il pooit, approcha de ladicte femme, laquelle se plaindoit deladicte censière; à laquelle filleresse ledict curé se plaindit du censier et de sa femme, en disant moult de mal d’eulx, et que moult volontiers, s’il pooit ou scavoit, se vengeroit d’eulx. Ayant icelle filleresse mauldicte et maulvaise femme cogneu la vollonté maulvaisedudicteuré, dict audict curé: que, s’il voulloit faire ce qu’elle diroit, elle l’en vengeroit bien. Lequel curé luy dict qu'il feroit ce qu’elle voudroit. Et la mauldicte femme luy alla querir ung pot de terre, auquel pot y avoit ung gros et grand crapault, laquelle beste venimeuse elle nourrissoit en ung pot ; et dictaudict curé: « Baptisez cecrapaultet luy donnez tout le «faict du sainct sacrement de baptesme, comme « on faict à ung enfant : après ce, luy baillez à «manger et user d'une hostie sacrée ou précieulx « corps de Jésus-Christ.» À laquelle requestele-

dietcuré, parsa mauldicte vollonté, obéit; et feit | ‘ à Paris. Lequel curé, quy estoit riche et extraiet

(4) Du débat.