LIVRE IV, CHAP. XXII

ce queladicte sorcière mauldicte luyavoit commandé, en la présence de ladicte sorcière et de sa fille, quy estoit femme mariée. Et à certes ledict curé, remply dudiable d’enfer, d’ire et de vengeance, baptisa et donnalesainct sacrement de baptesme au crapault, et luy donna à nom Jehan. Et après ce, par sa mauldicte volonté, bailla l’hostie sacrée ou précieulx corps de nostre Seigneur Jésus-Christ, audict crapault, lequel crapault usa ladicte hostie. Ce faict, la maudicte sorcière tua ledict crapault et le desmembra, duquel, avecq plusieurs aultres poisons et force sorceries qu’elle y meit, elle feit ung sorceron, lequel elle baillia à sa fille; et luy dict qu’elle l’allast jetter dessous la table du censier, entretemps qu'ils disnoient, feindant qu’elle venoit demander ce que sa mère demandoit à la censière pour sa fillerie. Laquelle fille feit le commandement de sa mère ; et trouva que ledict censier disnoit ct se séoit à table, luy, sa femme et ung sien fils; et illecq entra icelle fille de ladicte sorcière, et demanda à ladicte censière aulcune bien petite somme de pécune que sa mère luy avoitdict qu’elle demandast à cause de sa fillerie. Et comme elle parloit à ladicte censière, elle laissa tomber dessous la table du censier ledict sorceron, puis elle retourna à sa mère, et elle partit. Tantost après, le dessusdict censier, non scachant d’icelle sorcerie, ny ne s’en donnant garde, se sentit malade , sa femme pareillement et son fils ; et moururent touts trois avant qu'il feust trois jours. Après ces choses advenues et sceues, la très mauldicte sorcière et sa fille feurent prinses. Laquelle sorcière mauldicteconfessa ce que dessus est estre vray, et sa fille aussy, lesquelles raccusèrent ledict curé. Pour lesquelles choses et aultres, en la ville de Soissons, elles feurent condampnées aestre ardses ; mais la fille se feit enceinte d'enfant, pourquoy on la renvoya en prison après son enffantement; et la mère, mauldicte sorcière, feut ardse, et son corps ramené en pouldre ; mais icelle fille estant en prison eschappa, et s’enffuit audict Maroilles en Haynault, dont elleestoit ; auquel lieu elle feut prinse et renvoyée à Soissons, et, par appel, de Soissons à Paris.

Après ce aussy que ladicte sorcière feut ardse, feut prins ledict messire Ive Favins; et feut pareillement mené ès prisons de l’évesque

deriches gents, luv estant prisonnier, olt conseil de ceulx quy le favorisoient, par lequel il appella de lévesque en parlement; et combien que pour ce ne deubst ledict évesque avoir différé de luy faire son procès, toutesfois, ne scay sy ce fust par or ou argent ou’par la grande requeste des amis dudict curé, l’évesquele rendit à ladicte cour de parlement; etdisoit-onque par force d'argent et d’amis on ne trouva point ledict curé coupable du faict cy-dessus ; ets’en purgealedict curé sans quelque punition, dont plusieurs se donnèrent des merveilles; etde la fille je ne scay ce qu’onfeit, ny qu’elle devint, ne sy on la laissa aller aussy bien comme lecuré.