CHAPITRE XXIV
D'une grosse bataille quy feut en Angleterre entre la royne d'Angleterre et Edouard, nouvel duc d'Yorc; et comment les gents de la royne enfin s'enfuirent desconfits ; et comment ledict Édouard, duc d'Yorc, se feit couronner roy
” d'Angleterre.
Après ce que le duc d’Yorc euist esté, comme cy-dessus a esté dict, desconfit et prins et descappité en sa propre ville de Yorc, tantost que Edouard, son fils aisné, comte de la Marche et le comte de Werwicq, lesquels n’ avoient point esté à ladicte desconfiture, sceurent la mésadvenue dudict duc et de ses gents, sy assemblèrent en la ville de Londres ; laquelle ville est la chief ville d'Angleterre, et qui a Londres il est roy d'Angleterre. Laquelle ville et toute la communauté estoit du costé du duc d’Yorc, contre le roy Henry; et illecqse meirent du tout en ordre et en armes pour venir vers Yorc, venger la mort dudict duc, et dès lors voullurent ceulx de Londres couronner en roy d'Angleterre ledict Edouard nouvel duc d’Yorc ; lequel Edouard accepta le royaulme, combien qu'il n’eust que vingt ans ou environ. Sy leur dict-il que jà ne porteroit couronne de roy jusques à tant qu’il auroit subjugué ses ennemis et les bouté hors d’Angleterre. Ces choses faictes, ung grand nombre de gents de guerre se partirent, et lesdicts Edouard, comte de Werwicq, et aultres ducset comtes et leur ost, pour aller vers Yorc.
Aussy ladicte royne d'Angleterre, elle et leduc de Sombreset, assemblèrent leur ost en grand nombre, tant nobles, ducs, comtes et barons qu’aultres, et vint à toutes ses gents pour trouverledict Edouard qu’ondisoit nouvel roy d’Angleterre ; et tant feit qu'au dict an mil quatre
centssoixante , le vingt-huictiesme jour de mars quy fust jour de Pasques-Flouries, jour de bataille feut assigneé entre ladicte royne et ses gents, et lesdicts Edouard et le comte de Werwicq, à Farbriget, environ huict lieues près d’Yorc, à laquelle journée les deulx partis comparurent, et gaigna ledict duc de Sombreset la première bataille, qu’on dit l’avant-garde ; laquelle du costé dudict Edouard feut du tout ruée jus et touts morts; et y mourut l'oncle dudict comte de Werwicq, et aultres plusieurs grands seigneurs. Quand ce veirent lesgentsdelaroyne, sy cuidèrent avoir tout gaigné et se meirent au pillage. Ceulx quy eschappèrent de ladicte bataille vindrent dire ces nouvelles audict Edouard et au comte Werwicq, quy n’avoient esté en ladicte première bataille, ains estoient encoires avecq leurs gents touts entiers ; lesquels et leurs gents quand ilsoyrent ce, feurent moult desconfortés, et à peu que chascun voulloit prendre la fuite. Quand ce veirent lesdicts Edouard et comtede Werwicq, par le conseil dudict comte, ledict Edouard feit faire ung ban en leur ost; c’est à scavoir que quy avoit poeur sy en retournast, et ceulx quy demoureroient auroient chascun quantité d'argent; et avecq ce sy aulcuns de ceulx quy s’en retourneroient après le ban faict, de ceulx quy demoureroient, quy les porroitoccire auroit certaine grosse somme d'argent. Et dict-on que ledict comte, quandiloytdire que la première bataille estoit perdue, et que son oncle yestoit mort et aultres de son sang, oyantstouts ceulx de son ost, dit telles paroles en plourant : « Je prie Dieu qu'il ait l’ame de ceulx quy sont « morts.» Etleva les yeulx devers le ciel disant : « Pour tant que je n’ay recours qu’à toy, mon « Dieu ! mon créateur, je t’en requiers vengean- « ce, et à toy mon espée.» Laquelle iltira et la baisa à la croix; lors dict à ses gents : « Quy « veut retourner sy retourne, et quy a poeur sy « s’en voise; quant à moy, je mourray et vivray « avecq Ceulx quy demoureront avecq moy. »
Lors saillit jus de son cheval et se mit à pied, et tua son cheval de son espée. Ces choses faictes, le lendemain se rassemblèrent les deulx osts : c’est à scavoir ceulx de la partie de la royne, et ceulx de la partie dudict Edouard, quy se disoit nouveauroy;etdurèrent leurs batailles par trois heures ou plus. Enfin, la mésadventure de la
(1) Ferry-Bridge. (2) I s'agit de la bataille de Touton, livrée le 9 mars 1461.
bataille choit sur le duc de Sombreset et les gents de la royne, et feurent touts rués jus, prins et morts. Et y moururent du costé de ladicte royne, des seigneurs de nom, le comte de Nortonbellant, le seigneur de Cliffort , le seigneur de Neville, frère dudict seigneur comte de Nortonbellanti, seigneur de Wesmer 3, le seigneur de Welles5 le fils du duc de Bourquinchon 4 le seigneur Dacresÿ, le seigneur de Scailles6, le seigneur de Gray, messire Andrieu Trolle7, chevalier, lequels’y porta noblementet y feut moult valliant homme; il y tua, commeon dict, ung chevallier et deulx hommes d’armes. Icelluy Andrieu Trolle estoit renommé d’estre valliant homme d’armes, jà feut ce qu’il feust d'assez petit lieu. Plusieurs aultres chevaliers, seigneurs et escuyers y feurent morts et prins, dont je ne scaislesnoms. Le comte Danchires8, y feut prins, et feut descollé à Yorc. En icelle bataille moururent, du costé deladicteroyne, comme ondlisoit, trente mille hommes ou plus. Après laquelle victoire, ledict Edouard, àgrandejoyeet grandeliesse deceulxquy laimoient, allaàaYorc. Et après ce qu’il olt esté en ladicte ville d'Yorc et faict recucillir les os des testes de son père, frère et amis, et mis avecq leurs corps en très honnorable sépulture, et ensepvely en grands pleurs, et y faict moult honnorable et riche service, et quand il olt du tout en tout reboutté ses ennemis, il retourna en la ville de Londres, en Angleterre. Et le jour de Sainct-Pierre et de Sainct-Pol , apostres, en csté, feut ledict Edouard, fils du ducd’Yorc, enla ville de Londres, couronné roy d'Angleterre. Après aussy icelle bataille, la royneet le duc de Sombreset et ceulx quy s'enestoient peu eschapperseretrayèrenten ung chastelassez près d’illecq, duquel chastelils s’enallèrent assez tost après, pour le doubte dudict Edouard quy vint assiéger ledictchastel. En bref, il les deschassa tellement, que le duc de Sombreset et la royne nese osèrent plus tenir au royaulme d'Angleterre ; ains s’en alla la royne en Escoce, devers la royne d’Escoce, laquelle estoit fille du duc de Gueldres et niepce du duc de Bourgoingne ; et pourparla du mariage de son fils Edouard, fils du roy Henry d’Angleterre et de la fille de ladicte royne d’Escoce, laquelle royne avoit plusieurs enfants de son : (1) Sir John Nevil, étoit frère du' comte de Wesmoreland.
(2) Wesmoreland. (3) Wells. (4) Buckingham. (8) Lord Dacresy. (6) Scales. (7) Andrew Trollop. (8) Devonshire.
