CHAPITRE XXIX
Comment{Charles, roy de:France, sepliesme de ce nom, à Meuug, emprès de Bourges eu Berry, alla de vie en trespas. L'an de grace mil quatre cents soixante et ung, le vingt-deuxiesme jour de juillet, au chasteau de Meung, à quatre lieues de Bourges en Berry, Charles, roy de France. septiesme de ce nom, cloist son dernier jour; et mourut environ l’agede soixante-haict ans; et avoit régné roy trente-neuf ans. Cestuy Charles, au commencement de son règne, feut moult fortuné 1. Et perdit la pluspart de son royaulme, par la force de la guerre que menoit le roy Henry d'Angleterre, lequel roy Henry avoit espouse la Sœur dudict roy Charles. Et cuida bien iceluy roy Henry avoir le royaulme de France, et en déboutter ledict roy Charles, par l’aide du duc de Bourgoingne, duquel due on avoit tué son
(1) poursuivi par la fortune.
père, le duc Jehan, en l’an mil quatre cents dix-
neuf; et feut tué par Taneguy du Chastel, et aul-
tres, en la présence dudict roy Charles, quy lors
estoit daulphin de Vienne; et vivoit encore le
roy son père; et feut tué ledict duc Jehan à
Montreau-Faut-Yonne, quy feut ung des maul-
vais homicides qu’on ouyst oncques parler.
Toutesfois ledict duc estoit venu versledict daul-
phin à son mande; et estoit la paix faicte entre ledict daulphin et luy; et avoient oye messe, et receu le corps de Jésus-Christ, comme on di-
soit, ensemble, aulcuns jours devant ; et feut une hostie sacrée partie en deux, eten print ledict daulphin une, et ledict duc Jehan l’aultre. Et combien qu'après ledict homicide faict, ledict Charles, lors daulphin, quand il feut roy, s’excusa moult dudict homicide, disant qu’il estoit josne, innocent, et qu'il n’en scavoit riens, toutesfois, tant qu’il vescut, ledict Taneguy, et ceulx quy feirent ledict homicide, setindrent en ses pays et s’y gardèrent ; et baillia des fortes places pour eulx garder; et mesme ledict Taneguy, lequel se tint touts les jours de sa vie assez près d'Avignon, sur les marches de France vescut, despuis le homicide faict, plus de quarante ans, et feut toujours en la garde dudict roy Charles et de son cousin. Et quy de ce veut plus sçavoir, qu'il voie les chroniques sur ce et alors faictes. Et combien qu’au commencement de son règne ledict roy Charles feust moult fortuné, toutesfois, en l’an mil quatre cents trentecinq, feut faicte la paix d’entre ledictroy Charles et Philippes, duc de’Bourgoingne. Despuis laquelle paix faicte, pour ce que ledict duc neguerroya plus leroy Charles, par le sens et conduicte dudictroy,etles sens etconduitedeson cousint, il reconquesta tout son royaulme, et plus qu’oncquesroy n’avoitfaict, carilreconquesta la duché d’Aquitaine et tout le pays de Bourdelois ; lesquels pays avoient esté, par l’espace de deulx cents ans ou environ, en la main des Anglois. Il reconquesta aussy tout le pays de Normandie, que les Anglois avoient tenu plus de trente ans en leur possession. Brief, il feit tant que partout son royaulme il feut obéy et aimé. Et ne demoura en tout le royaulme de France que Calais, Hames et Guisnes, quy ne fuissent obéissants à luy; lequel Calais estoit au roy d’Angleterre. Et disoit-on que ledict roy Charles euist lesdicts Anglois bouttés hors desdictes pla-
(1) Le comte de Dunois, bâtard d'Orléans.
[1468] ces, sy ce n’euist esté pour ce qu'il n’y povoit venir sans passer son ost par le pays dudict duc de Bourgoingne ; par lequel voyaige, guerre s’euist peu mouvoir entreluy etledictduc.
Icelluy roy Charles ordonna en son royaulme quioze cents hommes d'armes, et de cinq à six mille archiers, lesquels il meit ès frontières du royaulme , par espécial du costé des Anglois ; lesquels gents d'armes estoient payés aux dépends de ses pays. Et y avoit certaines tailles et impositions que touts ceulx de ses pays payoient s'ils n'estoient clercqs, nobles ou privilégiés, dont on payoit les gagesdes gents d'armes; et avoit chascun homme d’armes à trois chevaulx, pour le mois, quinze francs seize sols, monnoye royale pour le franc, quy valloient onze couronnes et demie d’or ou environ; et pour chascun archier, sept francset demy pour le mois, monnoye dicte ; et estoient très bien payés. Pourquoy il n'y avoit sy hardy ny sy maulvais desdicts gents d'armes quy osassent personne desrobberneriens prendredel’aultruy. Ains passoient marchands et touts aultres bonnes gents aussy seurement par les lieulx où ils se tenoient, que parmy les bonnes villes. Et ainsy faisoit-on par tout le royaulme de France, puis qu’on avoit passé le pays de Picardie; et euist-on porté par les champs son poing plein d’or ; ny oncques n’y avoit faict sy seur ; car mesme larrons ne brigands ne se osoient tenir en France, que tantost ne feuissent prins par les justices ou les gents d'armes.
Mesme icelluy roy Charles aussy remit sus et feit courir le quatriesme, en son royaulme, des vins vendus à détail, quy moult grevoit audictroyaulme. Cestuy quatriesme feut venu du cent à quatre; car quand anciennement il feut permis sus, on meit au centiesme et du centiesme au cinquantiesme, puis au vingtiesme, puis au bhuictiesme et puis au quatriesme.
Toutes ces choses et subsides couroient en France, sans les gabelles de sel quy y couroient, quelques impositions et aultres débites, dont le peuple estoit mangié.
Icelluy roy Charles, ains qu’ileuist paix audict duc, menoit moult saincte vie, et disoit ses heures canonniaulx; mais despuis la paix faicte audict duc, ja-soit-ce qu’il continuast au service de Dieu, il s’accointa d’une josne femme venue de petit lieu d'envers Thour !, nommée Agnès,
(t) Fromenteau, village de Touraine.
