LIVRE IV, CHAP. XXIX
laquelle despuis feut appelée la Belle Agnès ; laquelle Belle Agnès menoit plus grand estat que la royne de France. Et se tenoit peu ou néant ladicte royne Marie avec ledict roy Charles, combien qu’elle feust moult bonne et très humble dame, et comme on disoit, moult estoit saincte femme. Icelle Belle Agnès estoit, sy comme on disoit, une des belles femmes du royaulme, mais elle ne dura guières, et mourut; et disoit-on qu’elle feut empoisonnée.
Après laquelle Belle Agnès morte, leroy Charles accointa en son lieu la niepce de ladicte Belle Agnès, laquelle estoit femme marriée auseigneur de Vilecler‘; et se tenoit son mary avecq elle; ct elle estoit bien aussy belle que sa tante; et'avoit aussy cinq à six damoïselles des plus belles du royaulme, de petit lieu, lesquelles suivoient ledict roy Charles partout où il alloit ; etestoient vestues et habillées le plus richement qu’on pooit, comme roynes; ettenoient moult grand et dissolu estat,et le tout aux despends du roy, et plus grand estat qu’une royne ne feroit ; et ne selenoit peu ou néant la royne avecq son mary.
Le susdict roy Charles feut moult aimé par tout son royaulme, et le gouverna moult haultement, noblement et sagement; et n’estoit pas vindicatif, ains voulloit bien justice estre faicte, et forte justice regner après ses conquestes , tellement que tout marchand et aultres gents alloient seurement parmy son royaulme.
Et prestement que ledict roy Charles feust mort, Charles d'Anjou, comte du Mayne, oncle de monseigneur Loys, aisné fils dudict roy Charles, envoya signifier la mort dudict roy Charles à monseigneur Loys, lequel, comme cy-dessus est dict, se tenoit à Génappe en Brabant. Et vindrent messagers vers ledict monseigaeur Loys, quy recrandirent ? trois chevaulx. Et sceut la mort de son père le vingt-deuxiesme jour dudict mois de juillet. Tantost que monseigneur Loys sceut que sondict père estoit mort, sy envoya hastivement dire ces nouvelles à Philippes, duc de Bourgoingne, lequel duc estoit lors en sa ville de Hesdin en Artois ; lequel duc jè scavoit les nouvelles, et les envoyoit dire à Loys, craindant quil n’en sceuist rien.
Ces choses sceues dudict Loys et du duc, ils assignèrent jour ensemble, qu'ils se trouveroient à Avesnes en Haynault, à certain jour, pour tirer à Raims, et illecq lediet monseigneur
(1) villequier. ( Fauguèrent.
Loys estre sacré roy de France. Et pour autant que ledict due doubtoit qu'aulcun empeschement ne feust faict par aulcuns de France à sacrer et couronner ledict monseigneur Loys, il rescripvit tantost à touts les nobles de ses pays, comme de Bourgoingne, Picardie, Artois, Boulenois, Flandres, Haynault et Brabant, et ailleurs ses pays, qu’ils se meissent sus en armes atout le plus de gents qu’ils polroient, et fuissent entour Sainct-Quentin en Vermandois, au huictiesme jour d'aoust ensuivant. Après lesquelles lettres repceues des nobles par tout le pays dudict duc, se meirent sus en armes en aussy ou plus grand nombre de gents que oncques n’avoient faict,et le plus richement qu'ils peurent. Et comme par touts les pays dudict duc touts les gents d'armes fuissent tout prests, ledict monscigneur Loys estant à Avesnes en Haynault, vers luy venoient touts les jours à grande route { gentsd’armes, chevalliers et princes du royaulme de France, eulx rendants à son obéissance, le reconnoissants roy de France; et pareillement venoient touts les jours de touts les gents députés de par les bonnes villes de France et du royaulme, luy rendre obéissance et le recognoistre roy de France.
Icelluy monseigneur Loys, considérant aussy et scachant la grande armée que le duc de Bourgoingne faisoit. laquelle estoitsy grande que la pluspart des pays par où les gents d'armes euissent passé, eussent esté touts pillés etmangiés, rescripvit et fit prier au ducqu’ilse deportast defairesy grande armée. À laquelle requeste etprièreledict duc obéit. Etmanda à touts ceulx de ses pays qu'ils ne se meissent aux champs ;ains,sy aulcuns en y avoit, se relournassent en leurs maisons sans robberny faire nul dommaige,sur peine de la hart. Mais bien manda aux grands seigneurs et cappitaines de ses pays que, s'ils voulloient venir avec luy à Raims età Paris au sacre du roy Loys, avecq eulx leur estatquotidien, en armes ou aultrement, ils feuissent les bien venus. Lesquels seigneurs et cappitaines, au moins la pluspart, y allèrent enarmes, moult noblement habillés et le plus richement qu'ils peurent. Et jà-soit qu'ils ne feurent que à leur estat quotidien, sy feurent-ils bien quatre mille combattants ou davantage. On disoit que sy touts ceux quy s’estoient montés ÿ fuissent al-
(1) Troupe.
[1461] lés, ils euissent esté bien cent mille hommes. Ne scay qu'il en est ; mais je scay bien que plusieurs gentilshommes et gents de guerre avoient mis grands frais à eulx monter; etse montèrent compagnons avecq eulx ; à quoyfaire ils perdirent assez ; car sy ung cheval avoit cousté cinquante escus, ils n’en r’avoient que la moitié, aulcunes fois moins; de quoy ils estoient moult courroucés et crevoient de deuil, tant pour leurs dictes pertes, que aussy, commeje crois, qu’il y avoit plusieurs gents de guerre quy désiroient d’y aller pour piller et robber.
