CHAPITRE XXX VI
Comment la communauté de la cité de Raims s'esmeut, pour les subsides et gabelles quy régnoient, et meirent aulcuns de ceulx quy les recepvoient à mort, et comment ils en feurent punis.
Après cequele roy de France, Loys, olt esté sacré à Raims.et s’en feust party, environ la Sainct- Remy ensuivant, que audict jour de Sainct- Remy on baille à ferme les subsides et gabelles en France, aulcuns de la ville et cité de Raims s’efforcèrent de mettre à prix lesdictes gabelles, aulxquels aulcuns de la communauté deffendi rent de les non mettre à prix par eulx nepar aultres, en leur disant, que sy neles y mettoientelles quéiroient 1. De quoy ceulx quy les avoient mis à prix ne tindrent compte; pourquoy tout le
(1) Tomberoient.
[1461] commun de la cité s’esmeut en armes; et meirent . aulcuns des fermiers et maltoteurs à mort; et de
faict prindent leurs papiers en quoy ils escrip-
voient leurs fermes, et ardirent en pleine rue.
Ces choses venues à la cognoissance du roy Loyset de son conseil, on envoya, de par le roy, en ladicte ville de Raims, des gents de guerre non cognoissables, habilliés en forme de marchands ou laboureurs ; et y entrèrent cy deulx, cytrois, cy quatre. Ettant en y entra, ains que ceulx de la ville, au moins la commune, s'en apperceurent, qu’ils se trouvèrent les plus forts ; et prindrent quatre-vingts ou cent des plus principaulx de ladicte rébellion. Et après ce que les gents du roy feurent les maistres, vindrent plusieurs gents de guerre, de par le roy; et y vint le seigneur de Moy et aultres ; tellement qu'assez tost après ils feurent autour de ladicte ville et cité grande foison de combattants. Et feurent aulcuns descappités, les aultres bannis et punis à la discrétion du conseil du roy; et feut la chose par ce point rappaisee.
En ce temps, en la ville de Bourdeaulx mourut Poton de Saincte-Traille, très valliant cappitaine, et lequel avoit tousjours tenu le party du roy de France, Charles dernier mort; et feut tousjours trouvé féal vers son seigneur. Et feut ledict Poton, et ung cappitaine nommé la Hire, lequel estoit mort grand temps paravant ledict Poton, en partie cause, par leur hardiesse et valliance, que ledict roy Charles ne;feust du tout déboutié de son royaulme, et qu’il reconquist tout son royaulme.
En ce temps aussy, le onziesme jour d'octobre, par ung dimanche, feut la ville d'Encre, en Artois, toute ardse par feu de meschief; et n'y demoura comme riens. Et se disoit-on que le feu se prit ne scait-on comment. Toutesfois, en moins de demy quart d'heure, feut toute la ville de toutes parts en feu; et sembloit que ce feust punition divine; et sy feurent ardses l’église parroissielle, la prioré et tout ce qu'il y avoit dedans ladicte ville.
Audict an aussv, en la ville d'Arras, le quatorziesme jour d'octobre, en ung cabaret souppoient messire Nicaise de l’'Hommel, prestre, Jennin Parmentier, palefrenier du seigneur de la Motte et Jennin Martin; et comme ce vint à faire l’escot, ledict Jennin Parmentier et ledict prestre pour l’escot prindrent parolles ensemble, tellement que ledict prestre feut féru d’ung
