LIVRE IV, CHAP. XXXVIL

coup à la teste, à la table. Puis se partit ledict prestre et attendit, à l'entrée de l’huis dudict cabaretledictJennin Parmentier quy l’avoitféru; et sitost qu'il issit, luy courut sus et le cuida frapper d’ung coustel à clou comme ung bracquemart ; lequel luy destourna le coup, puis tira sa dague et luy frappa au ventre, duquel coup le prestre mourut le lendemain; et feut ledict Jacquinet semons sur la teste, de ladicte ville d’Arras. Pour certain alors en ladicte ville d'Arras et en cité, on faisoit peu ou néant de justice, ne au pays d'environ; on violloit femmes mariées, on meurdrissoit, on desrobboit, composoit, battoit et villenoit-on plusieurs gents touts les jours ou le plus souvent, ct sy ne faisoit-on nulle justice de ceulx quy ce faisoient; mesmes le véoient loutsles jours ceulx quy estoient commis à la justice, et sy ne les prenoient point ny les punissoient en riens, nonobstant que les plusieurs et presque touts feuissent petits compagnons. Et combien qu’en aulcunes bonnes villes, comme Cambray, Douay, Lille, Vallenciennes et aultres, on fcist justice et pendoit-on plusieurs maulvais garnements, lesquels raccusoient ceulx quy se tenoicnt audict Arras et allenviron, et ce envoioit-on par escript, sy ne faisoit-on pour ce riens à Arras, et s’y venoient retraire ceulx quy pooicnt eschapper des aultres lieulx. Trop bien, sy de cas d’adventure aulcun simple bomme choppoit!, cestuy estoit tout despouillié de ses biens; ct à plusicurs se prenoit-on quy avoient peu ou néant mesfaict ; et se on se plaindoit au baiïlly d'Amiens, quy estoit le seigneur de Crèvecæur, sy n’en faisoit-il point de justice. Et estoit lors gouverneur d’Arras maistre Robert de Jeusne, agié de quatrevingts ans, et son lieutenant Robert des Marquais. Etsy on faisoit peu de justice temporellement, encoires le faisoit-on moins espirituellement en la cour espirituelle, nonobstant que l'official voullust cognoistre de touts cas tant temporels, réels et aultrement.