LIVRE IV, CHAP. XXXIX
cial en ce cas avoit faict ung merveilleux faict ; car deulx ou trois ans devant, avoit ravy une damoiselle par force en plein champ, très belle, laquelle estoit niepce de l’abbesse de Bourbourg, et noble femme, et l’une des plus belles que lors on veit, et josne ; laquelle fille il amena avecq sa femme ; laquelle sa femme estoit de noble lieu, belle et bonne, et en avoit plusieurs enfants ; et combien qu'elle feust belle et bonne preude femme, faisoit-il seoir ladicte fille, qu’il avoit ravie, à sa table, et luy au milieu d'elles deulx ; et véante sa femme, alloit coucher avecq ladicte fille; et bouttoit sa femme hors de sa chambre, qu’elle allast où bon luy sembloit.
La très noble dame souffroit ce patiemment. Et plus fort feit la très noble dame ; car, après ce queledict chevallier olt ravy ladicte damoiselle, le duc de Bourgoingne manda lediet chevallier et ladicte damoiselle, en intention d’en faire justice; mais la très noble dame, quy dudict chevallier avoit plusieurs enfants, doubtant en soy-mesme que sy ladicte fille se plaindoit de force et disoit la vérité de ce que luy avoit faict son mary, que ledict duc en feroit justice telle qu’il appartenoit et dont il morroit, par quoy luy et ses enfants en seroient au temps à venir reprochiés, la très noble dame, par plusieurs fois et par plusieurs jours et continuellement se jetoit à genoulx devant ladicte fille, et luy prioit très instamment qu’elle euist pitié de son mary et qu’elle ne se volsist plaindre de force; et tant feit par doulces et humbles prières, avec mille florins d'or qu’elle luy feit avoir, que ladicte fille venue devers ledict duc ne se plaindit pas de force ; et par ainsy, avec l’aide de Dieu, et que ledict chevallier olt du seigneur de Croy duquel il estoit parent, il n’euist garde. Et sans doubte sy ce n’eust esté ladicte dame sa femme, avec l’aide du seigneur de Croy, icelluv chevallier euist esté tout perdu et feust mort ; car le faict feut faict en la présence de trop de gents et estoit trop clair, et feut faict en plein jour ; et monstra ladicte fille toute telle rébellion qu’une femme doit et peut faire; et sans doubte, pour le très horrible faict, plusieurs euissent bien voullu que justice euist été faicte dudict cheval lier. La femme dudict chevallier mourut environ ungan auparavantledict chevalier, par l’ennuy et le desplaisir qu’elle avoit de la vie de son mary, et olt très belle fin. Ledict chevallier estoit grand parleur, et ne tenoit chose qu’il pro-
mettoit; j’escrips ce par manière d'exemple, pour monstrer que souvent la belle vie amène la belle fin.
Environ ce temps, en la ville d’Authun en Bourgoingne, mourut maistre Nicolas Raullin, chevallier,chancellier duduchéde Bourgoingne, agié de quatre-vingt et six ans ou environ; de laquelle ville d’Authun son fils estoit évesque, etcardinaldenostreSainct-Père. Et combien que ledict maistre Nicolas feust venu de petit lieu, sy feut toutesfois premier advocat en parlement, et puis chancelier, auquel office comme dictest,ilse gouverna tellement qu'il y acquesta plus de quarante mille florins de rente; et feit touts ses enfants de grands seigneurs, et ses filles allia très haultement ; et gouverna le duc tellement que, durant son temps, ledict duc régna très haultement; et n’y avoit sy hault princequy ne le doubstat. Ledict chancelier feut réputé ung des sages du royaulme, à parler temporellement ; car au regard de l'espirituel, je m’en tais.
