OR, OYEZ, MESSIEURS, OYEZ

L'on vous faict à scavoir de par le roy nostre sire, la cour du parlement à Paris, et par monsieur maistre Jehan Angenost, conseiller dudict seigneur en la cour, et commis de par elle à exécuter certain arrest prononcé le vingtiesme jour de may dernier passé, au prouffit de feu messire Collart, en son vivant chevalier, seigneur de Beauffort, et Ransart, et Jehan Tacquet, bourgeois de ceste ville d'Arras, Huguet Aubry, Barthélemy Hermant, Nicolle de Gravelle sa femme, Jehanne le Febvre, fille de feu Jehan le Febvre dict le Cat, Pierre du Ca-

riœulx et Jehan Bery, le procureur général du roy:joinct aveceulx, quelundy prochain,à heure de huict heures du matin, sera faict publicquement en la présence dudict exécuteur, en la présence aussy des parties intéressées, se adsister et estre y veulent, sur ung hourt ou eschaffault quy se faict joindant vis-à-vis, et devant la plombée située et assise en la cour de l’hostel épiscopal de la cité d'Arras, ung sermon parung docteur régent en la faculté de théologie en l’université de Paris, par lequel sera exposé en partie le contenu audict arrest. Et pour ce, pour obéir à justice, que l’on fasse diligence de soy y trouver et adsister, sur peine d’estre réputé désobéissant à justice.

On vous faict en outre à scavoir, de par icelluy seigneur et mesdicts sieurs mayeur et eschevins de ceste ville d'Arras : qu’en ensuivant ladicte publication et ordonnance, chascun festoye ledict jour de lundy, pouriles causes contenuesen ladicte publication, et que l’on donnera ledict jour de lundy, aux meilleurs joueurs, et quy le meilleur joeu joueront de folie moralisée, une fleur de lys d’argent, et au meilleur ensuivant, une paire d’oisons ; et seront joués ledict jour de lundy après disner, l’ung après l’aultre.

Oultre sera donné au meilleur joueur, et le mieulx joué de pure folie, une tasse d'argent.

Et au meilleur ensuivant, une paire de chapons. Et seront joués depuis sept heures au soir jusques ad ce que l’on aura tout faict.

Et ceulx quy voudront jouer, tant dehors comme dedans la ville, pour gaigner et parvenir aulxdicts prix, seront tenus venir prendre taille à l’hoste de l’argentier de ceste ville, ledict jour de lundy, à scavoir en dedans douze heures avant midy, pour jouer par ordre, les ungs après les aultres; et après lesdicts joeulx joués, seront tenus baillier lesdicts joueurs le double de leursdicts joeulx pour iceulx examiner et pour ordonner et distribuer les prix où il appartiendra ; et ne seront receus aulcuns joeulx quy depuis ung an enca auront esté joués en ceste ville, loy ou eschevinage.

Oultre seront par mesdicts sieurs mayeuret eschevins escriptes lettres missives à la justice et aulx officiers de la ville de Bapaume, pour dénoter et faire scavoir ledict sermon aulx habitants desdicts lieulx, et ledict arrest, quy seront exécutés ledict jour de lundy.

Item, pareillement à Sainct-Pol.

Item, semblablement à Hesdin.

Item, à Therouanne.

Item, à Aire.

Item, à Béthune.

Tiem, que ledict lundy, dix-huictiesme jour de jaillet, les officiers du roy et mesdicts seigneurs les mayeur et eschcvins, revestus de leurs robbes de l’eschevinage, accompagniés des sergeants à vergues, se trouveront à la halle, à cheval, à l'heure de sept heures du matin.

Lesquels assemblés allèrent par-devers ledict commissaire pour aller audict sermon avecq luy et avecq ceux qui l’'accompagnoient. Lesquels aussy assemblés, et touts à cheval, se partirent et s’enallèrenttouts par la grande rue de Sainct- Gery, Arnestat, Sainct-Aubert et de l’Estree, en ladicte cité, en ladicte cour spirituelle, où illecq sur le hourt et eschaffault v faict et appareillés de la haulteur de dix-huict pieds, ou environ, ils montèrent; et sur lequel hourt, par ledict commissaire, après la requeste à luy faicte par ledict seigneur de Beauffort, par la bouche de maistre Jehan Jonglet, licentié ès loix, feut mis ledictarrest à exécution, etremis ledict seignear de Beauffort, sa postérité et aultres parties intéressées, dénoncées audict dictum, en leur bonne, saincte et entière fame et renommée.

Ce faict, feut faict ung sermon par monsieur maistre Geoffroy Broussart, docteur en théologie, présents lesdicts commissaires, officiers du roy et officiers de la ville et eschevinage, présents aussy et sur lesdicts hour et eschaffault lesdicts seigneurs de Beauffort, Huguet Aubry, Nicolas Aubry, Anne Aubry, sa femme, et Guillaulme l’Escourinne, enfants dudict Huguet, Jehan du Carioeulx, Mathieu de Bery, sa femme, fille de feu Jehan de Bery, Isabelle le Vasseur, vefve defeu Guillaulme de Bleu court, frère dudict feu Jeban de Roy ville, Pierre du Carioeulx, nepveu de feu Pierre du Carioeulx, desnommé audict dictum, et Robinet du Carioeulx, son nepveu.

Et dura ledict sermon deulx heures et demy ou environ; auquel sermon feurent, par estimation, le nombre de huict à noeuf mille personnes ou environ.

Et print ledict docteur pour thesme et introït de sondict sermon, ces mots : Erudimini qui judicatis terram ; lequel thesme il proposa advoir prins originallement en la seconde psalme du psalmiste de David.

Après lequel sermon achevé, feut leu, mot après l’aultre, par ledict huissier, le dictum cydessus transcript, présent le peuple. Et ce faict, retournèrent lesdicts commissaires et docteurs et officiers en ladicte ville d’Arras ; et les accompagnoient lesdicts seigneursofficiers du roy, les mayeur et eschevins, jusques à l’hostel de la Chievrette, où illecq ledict seigneur de Beauffort leur donna à disner, et mesdicts sieurs mayeur el eschevins se retirèrent et disnèrent ensemble en la maison de la Balance ; au-debvant de laquelle feut tendu et mis le tapis de la ville pour veoir les joeulx et esbattements. En laquelle maison vindrent, après disner, lesdicts commissaires et docteur, pour veoir lesdicts joeulx et esbattements.

En ensuivant la dessusdicte publication, feut ledict jour de lundy, parles bourgeois, manants et habitants, cessé de toutes œuvres manuelles par tout le jour.

Et feuticeluy jour joué plusieurs joeulx et esbattements par ceux de l’abbé de l’Escache, et aultres compagnons, estants sur le petit marchié, chascun en son logis à part, et à bannière et estendarts desployés.