CHAPITRE X

D'unc bataille quy feut en Angleterre; et du comte de Charrollois quy vint vers son père; et de la mort de Pierre de Louvain.

Au mois de may l’ansoixante-quatre, olt une bataille de rechief entre le nouvel roy Édouard et les gents du roy Henry, par le conseil et enhort du duc de Sombreset, lequel, cuidant recouvrer le royaulme pour le roy Henry, en allant contre la paix qu’il avoit faict au roy Edouard, et contre son serment, par lequel ledict Edouard luy avoit rendu toutes ses terres et tout pardonné, assembla ce qu’il peut de gents, et vint en bataille contre le comte de Werwicq, lieutenant du roy Edouard ; en laquelle bataille icelluy duc de Sombreset feut vaincu et prins prisonnier, et la pluspart de ses gents morts. Après laquelle bataille le comte de Werwicq feit présent au roy Edouard du duc de Som-

{1} Peio de vivacité. (2) Troupes,