LIVRE V, CHAP. X
breset, lequel Edouard feit icelluy duc descappiter.
Audict an soixante-quatre, le deuxiesme jour du mois de juing , vint le comte de Charrollois devers son père, en la ville de Lille, accompagnié de quatre-vingt à cent gentilshommes, et grand nombre de chevaulx ; en laquelle ville de Lille le seigneur de Croy estoit. Et combien que le duc ne feust pas bien content de son fils, le seigneur de Saveuses feit tant qu’il parla à sondict fils et luy pardonna tout ; maisil ne luy rendit pas sa pension ; et disoit-on que c’estoit par ledict seigneur de Croy et les siens. Toutesfois le seigneur de Croy feit tant qu'il parla au comte ; lequel luy dit, comme on disoit : quand il feroit ce qu’il debvoit, il luy seroit bon seigneur.
Le quinziesme jour de juing audict an soixantequatre, comme Pierre de Louvain, lequel estoit cappitaine degents d'armes et avoiteu, du temps du roy Charles, cent lances dessoubs luy , se feust party de Compiègne pour aller vers Soissons, luy sixiesme sans plus , et encoires gents de conseil , et avoit renvoyé aulcuns compagnons quy estoient venus avecq luy en armes, tantost qu’il feust venu et entré en la forest, trouva messire Raoul de Flavy, chevallier, seigneur de Rybencourt, accompagnié de quatorze compagnons. Lequel chevallier assaillit icelluy Pierre de Louvain; et du premier coup olt le corps percé d’une javeline, et feut abbattu jus d’une mulle sur laquelle il estoit ; et illecq feut occis et olt plusieurs coups. Avecq luy estoit ung seigneur de parlement auquel on ne feit nul mal, ny à nuls de ses gents ny de sa compagnie. Icelluy Pierre de Louvain estoit en la sauve-garde du roy; sy en fout le cas plus criminel ; mais aussy y avoit-il grande cause, laquelle je veulx ung peu déclarer.
ILest vray qu'icelluy de Flavyavoitcinqfrères, quy estoient enfants du seigneur de Flavy, extraict de noble sang des pays de Picardie, c’est à sçavoir Jehan, Guillaulme, Charles, Hector ; luy estoit maisné ; et touts, reservé Jehan seigneur de Flavy, gents de guerre et abandonnés à la guerre.Guillaulme feut cappitaine de Compiègne de par leroy, durant que le duc de Bourgoingne, accompagnié d’aulcuns Anglois , y meirent le siége; et estoit Charles, son frère, avec luy ; et les aultrestenoient le party du duc de Bourgoingne. Cestuy Guillaulme estoit moult hardy et
“valliant homme de guerre, mais des pieurs!t en villenies. en femmes et luxures, en robber, piller, faire noyer, faire pendre et faire mourir gents, qu'on pooit trouver, comme la renommée en couroit. Icelluy Guillaulme, après ce qu’il olt levé le siége audict Compiègne, olt grand bruit, et tant que le mareschal de... quy estoit grand seigneur, luy donna sa fille en mariage, laquelle estoit moult belle damoiselle et josne. Il feut avecq elle grand temps, durant lequel il prit son beau-père, père de sa femme, et le mena en forte prison, en laquelle il mourut ; et despuis, continuant en sa luxure, estant marié, en la présence de sa femme. quy estoit moult belle, avoit souvent en son lict avec elle josnes garces, avecq lesquelles il prenoit compagnie charnelle; et quand sa femme en parloit quelque peu, on disoit qu’il la menacoit de la faire ou noyer ou mourir. Sy advint, ainsy que l’ennemy5 est soutil, et que par adventure Dieu voulloit punir icelluy Guillaulme, que sa femme s'accointa de Pierre de Louvain, cy-dessus nommé, lequel estoit estranger et estoit de l’ordonnance du roy Charles, quy luy avoit baillié cent lances soubs luy, et estoit réputé vaillant homme; et par ceste accoinctance faicte, elle feit tant au barbieur4 de son mary, qu’illuy debvoit copper la gorge. Sy advint ung jour que, comme le barbieur barbioit Guillaulme son mary, et n’y avoit en la chambre que luy et elle, qu'il coppa la gorge à icelluy Guillaulme, et puis s’enffait hors de la chambre. Quand elle veit Guillauime chéir, et que le barbieur ne luy avoit point bien coppé la gorge, et qu’il n’estoit pas mort, sy print le rasoir que ledict barbieur avoit laissé, et parcoppa la gorge à icelluy Guillaulme, son mary, et mourut; puis meit ung coussin sur son visage, et vuida hors de sa chambre et aussy de la maison; au dehors de laquelle maison Jedict Pierre de Louvain estoit quy l’attendoit ; lequel l’'emmena, et assez tost après la print en marriage.Dela mort duquel Guillaulme,ses frères feirent grand pourchas contre Pierre de Louvain et sa femme, laquelle avoit ung fils dudict Guil- Jaulme, josne de nœaf ans, et demoura riche de trois mille francs de rente, et souvent menacoit sa mère de la faire ardoir; mais il mourut josne. Quand les frères dudict Guillaulme veirent qu’ils ne peulrent bonnement prouver
(t) Pires. (2) Lacune d'un mot. (3) Le diable.
(4 Barbicr.
ledictmeurdre,etsy nescavoient comment avoir icelluy Pierre, quy se tenoit avecq le roy, Raoul Flavy, cy-dessus nommé, feit tant par sa diligence, qu’il trouva en Carcassonne le barbieur quy avoit faict ledict faict, et le ramena prisonnier et le livra au roy Charles, pour en faire justice et de ceulx quy luy avoient ce faict faire. Après laquelle confession, Pierre de Louvain, sa femme et le barbieur obtinrent rémission du roy, et feurent par ce délivrés.
Ce véant icelluy messire Raoul, il alla au pays de Bourdelois, auquel il trouva ledict Pierre de Louvain, lequel il assaillit, et le navra à mort en plusieurs lieulx ; et le cuida avoir tué, mais il n’en mourut pas. Pour lequel faict icelluy Raoul, messire Charles et messire Hector, ses frères, feurent prisonniers au Chastelet en Paris, et y olrent moult à souffrir ; et par le procès feut condampné Raoul et ses frères, en grosses sommes envers Pierre de Louvain: et tousjours se gardoit ledict Pierre de Louvain desdicts frères, lesquels le hayoient, comme il parut par ce que dict est cy-dessus.
