CHAPITRE XI
Comment le roy de France vint devers le duc de Buurgoingne: ct d'une adventure quy advint en la chambre où on plaide à Paris.
Au mois de fuing, l’an dessusdict soixantequatre, le quinziesme jour, au Palais de Paris, en la chambre où on plaide devant les prési-
dents, comme on plaidoit une cause quy estoit
entre l’évesque d’Angiers et ung riche homme d'Angiers, nommé Jehan, lequel ledict évesque accusoit de hérésie et usure, et pour ceste cause estoit prisonnier eslargy à caution, et le jour de devant avoit faict plaidoyer sa cause icelluy Jehan, par maistre Jehan de Poupincourt, advocat, en remonstrant les torts qu'on luy avoit faicts, comme il disoit (maistre Witasse l’Ullier plaidoit la cause pour l’évesque), en l’accusant estre hérétique et usurier, et avecq ce qu'ilavoit dict publicquement, présents plusieurs nobles hommes ; gents d'église et aultres, qu’il ne
croyoît point qu’il feut ung Dieu, ne diable, ne
paradis, n’enfer ; et en ce disant, toute la chambre où on plaidoit trembla tellement qu’il n’y olt icelluy quy n’olt grand pœur; et chéit une pierre d’en hault à terre sans blescier personne ; et mesme icelluy maistre Witasse, de pœur laissa
chéir le rollet qu'il tenoit en sa main pour plaider ladicte cause. ; Pour lequel tremblement on laissa le plaidier jusqu’au lendemain. Lequel jour venu, en plaidant la cause dessusdicte , à l'heure mesme que le jour de devant, la chambre trembla comme dessus, et issit ung des sommiers de dessus de sa mortaigne, et s’avalla bien deulx bons pieds sans cheoir, dont touts ceulx quy y estoient olrent sy grand pœur qu'ils cuidoient touts périr ; et réclamoient le nom de Jésus; et perdirent plusieurs, de haste d’eulx enfluire, leurs bonnets, leurs capperons, patins et aultres choses ; et faillit laisser le plaidier; ne plaida-t-on plus en ladicte chambre tant qu'elle feut refaicte ; et alla-t-on plaidier en la chambre Sainct-Loys.
Audict mois de juing, le roy de France vint à Amiens, et d'Amiens vint à Sainct-Pol où il trouva le duc de Bourgoingne, lequel s’en alloit a Icsdin ; auquel Sainct-Pol, Loys comte dudict Sainct-Pol, leur feit grande chière et les festoya moult haultement; et sy avoit ledict comte festoyé le roy moult richement et à grands frais, tant en cacher, voller comme aultrement, à Lusseu et ailleurs en ses places.
Le duc mena ledict roy de France de Sainct- Pol à Hesdin, où le bien venu feut moult noblement , et tant qu'on ne polroit plus; auquel lieu de Hesdin vint une ambassade d'Angleterre, de par le roy Edouard, auquel le duc feit grande chière.
On disoit alors que, durant que le roy estoit à Hesdin, il requit au duc qu’il luy volsist rendre les chastelleries de Lille, Douay et Orchies, moiennant certaines grosses sommes de deniers et grande quantité de rentes, pour lesquelles il disoit les debvoir ravoir; c’est à scavoir, deux cents mille livres tournois et dix mille livres de rente, pour laquelle somme ses devanciers roys les avoient engagiées aulx comtes de Flandres. Mais à ceste requeste le duc respondit : que, quand le duc Philippes de Bourgoingne fils du roy, print Margueritte fille du comte de Flandres, les chastelleries luy feurent bailliées pour en joyr, par luy et ses hoirs masles ; et au cas qu'il n’en auroit nul, moiennant ce lesdictes sommes debvoient retourner au roy.
On disoit encoires, que le roy avoit requis au due qu’il luy volsist baillier la ville et lechastel de Hesdin, et luy bailleroit Mortaigne et le droict
(t) Chasser.
