CHAPITRE XWY

Comment le comte de Charrollois vint à Lille devers son père; et de l'ambassade que le roy de France envoya à Lille devers lc duc de Bourgoingue.

Le quatriesme jour de novembre, le comte de Charrollois arriva en la ville de Lille, accompagnié de quatre-vingts à cent, que chevaliers, que gentilhommes, grands seigneurs, et bien six cents chevaulx, sans ceulx de la ville, quy vindrent bien quatre cents chevaux allencontre deluy; et à l’entrée en ladicte ville crioient Noël de joye les petits enfants. Et ce propre jour alla le comte devers son père ; et le lendemain, cinquiesme jour dudict mois, arrivèrent en Jadicte ville de Lille, le comte d'Eu, le chancellier de France et l’archevesque de Nerbonne, ambassadeurs du roy de France , à grande compagnie, et le lendemain allèrent devers le duc. En la présence duquel et du comte de Charrollois, son fils, le chancellier proposa la charge que il avoit du roy, laquelle proposition je ne sçaurois tout dire, car je n’y estois pas. Mais les causes pourquoy les envoyoit principalement estoient deulx : la première pour ravoir le bastard de Reubempré, la seconde pour le roy estre réparé des parolles que on avoit faict courir au deshonneur de luy; et avecqce, queleducenvoyast auroy ung gentilhomme nommé Olivier de la Marche, quy estoit serviteur du comte de Charrollois, par lequel avoient esté poruées les premières nouvelles de la prinse du bastard de Reubempré au duc à Hesdin, et avoitdict et dir vulgué le premier que le roy avoit voulu faire prendre le comte de Charrollois. Oultre ces choses, il vouloit encoires que le duc envoyast au roy le prescheur ou les prescheurs quYy avoient preschié à Bruges que le roy avoit voullu ce faire, pour d’iceulx faire telle justice que en tel cas appartient. Et affin de ravoir le bastard, dit au duc : que le roy scachant que le duc de Bretaigne avoit envoyé en Angleterre son vis-chancellier pour avoir alliance aulx Anglois, et debvoit repasser par Hollande pour parler au comte ( se c’estoit pour bien ou non ilne scavoit), il envoya le bastard de Reubempré en Hollande pour prendre etamener devers luy icelluy vis-chancellier. Auquel bastard venu en

Hollande, sans ce que y feist chose quy ne feust à faire, le comte de Charrollois, quy estoit doubtif plus qu’il ne debvoit, et sans cause, feit prendre ledict bastard luy troisiesme, et le bas- | teau où ils estoient venus avecq le maronnier. ! A ces mots, ledict Charrollois illecq présent, oyant ces parolles, se jetta à genoulx devant le duc son père disant : « Très redoubté seigneur “ et père, je vous prie qu’il vous plaise que je « puisse respondre aux parolles cy proférées,les- « quelles touchent vostre honneur et le mien; et « à l’aide de Dieu mon Créateur, je y respondray « tellement à l'honneur de Dieu que vostre hon- « neur et le mien y seront bien gardés, car mais « quej'aye la grasce de Dieu mon Créateur, jene « crains homme quy vive sousle ciel que vous, «“ mon très redoubté seigneur et père. Et me « donne de grandes merveilles que, veu que je «“ suis povre parent de monseigneur le roy de “ France, pourquoy il me quiert sy fort. » À ces mots, le chancellier dit au duc, et coppant la parole à son fils, queils ne avoient nuls charges du roy de parler, ne respondre de bouche ne par escript au comte de Charrollois. Et lors le duc dit à son fils qu’il se depportast de plus parler jusques une aultre fois; dont le comte fust moult troublé ; toutesfois il obéit au command de son père. Ce faict et dict, le chancelier derechief recommença parler, en disant au duc :

que le roy luy avoit chargéluydire, que il se donnoit merveilles queil s’estoit party de Hesdin sy soudainement, veu queil avoit promis au roy que il ne s'en partiroit point sans avoir parlé à luy, ou sans son congié, et veu aussy qu'il avoit tousjours oy maintenir que leduc ne avoit oncques esté reprins d'aller contre sa parolle. Plusieurs aultres choses proposa le chancellier devant le duc; lequel duc le laissa dire ce qu’il volt; mais prestement qu’il olt faict fin, le duc de luy-mesme et par sa bouche respondit en telle manière ou substance à aulcuns articles qu’il avoit proposés. Et premier, en tant que ils avoient dict que son fils estoit doubtif ; que se il l’estoit, cela ne luy venoit de par luy, car oncques en sa vie ne avoit doubté prince ne homme quy vescust,' ne encoires ne cremoit 2 ne doubtoit prince ne homme vivant. Et par manière joyeuse en riant, dit : que s’il estoit doubtif, ce luy venoit de par sa mère, quy

(t) Pourvu. (8) Craigvoit.