LIVRE 1, CHAP. XIX

palais quy ouvre sur la ville, et pareillement de celle quy ouvre sur les champs. Quand le duc de Sombreset apperceut les approches , il feut moult esbahy, voyant qu'il avoit peu de vivres au palais et beaucoup de gents; au contraire, considérant aussy qu’il ne pouvoit estre nullement secouru, il requit à parlamenter aux gents du roy de France ; et, pour ceste raison, feurent faictes trefves des deux costés, lesquelles feurent prolongées de jour à aultre, par l’espace de douze jours, pour ce que les Anglois ne voulloient consentir de laisser en hostaige le seigneur de Tallebot. Sy parlèrent par plusieurs fois et sy longuement, le comte de Dunois et ceulx du grand conseil du roy, avecques les Anglois, qu’en la fin feurent d'accord ensemble : queleseigneur de Sombreset, gouverneur pour le roy d'Angleterre, sa femme et enfants, et touts les aultres Anglois du palais et chastel, s’en iroient où bon leur sembleroit en leurs pays, leurs biens saulfs, réservés les prisonniers et grosse arlillerie, parmy ce qu'ils payeroient au roy de France cinquante mille escus d’or; et sy payeroient tout ce qu'ils debvoient loyallement à ceulx de la ville, bourgeois, marchands ct aultres ; et avecques ce, feroit le gouverneur rendre les places d’Arques, de Caudebecy, de Moustier-Viller, de Lislebonne, Tancarville et Honfleur ; et, pour seureté de ce, bailleroit son scel ct lettres-patentes; et demoureroiten hostaigele seigneur de Tallebot, jusques à ce qu’icelles places feuissent rendues, et les cinquante mille escus payés; et avecques ce, pour les deniers deubs à ceulx de la ville, demoureroient hostaiges le fils du comte d'Ormont d'Irlande, et le fils Thomas Gruel, capitaine de Chierbourg, le seigneur de Brequegny, le fils du sire de Ros , fils de la duchesse de Sombreset ; et ainsi feut faict.

Puis feurent livrés les hostaiges aux commis du roy; et puiss’en partit le duc de Sombreset et aultres Anglois, et s’en allèrent à Harfleur, et de là à Caen. Lequel duc commit, pour faire rendre les places, messire Thomas Hou et le seigneur Fouques! ; lesquels firent mectre les places en l’obéissance du roy de France, réservé Honfleur, dont estoit capitaine ung nommé Courson, quy ne le voullut rendre; et, pour ce, demoura ledict Tallebot prisonnier du roy de France.

({) Hoston.