CHAPITRE XX V

Conmmeut la pluspart des gents du comte de Nevers le laissèrent pour aller servir le comte de Charrolois.

Le roy de France, lequel avoit commis et ordonné son lieutenant général Jehan de Nevers et d'Estampes, despuis la rivière d'Oyse jusques à la rivière de Somme, et capitaine desdicis pays, comme dict est, feut adverty de l'armée que le comte de Charrollois mectoit sus; pour laquelle cause il envoya maistre Pierre Morvilliers, son chancellier, tant à Amiens, Abbeville comme ailleurs. Lequel chancellier trouva êsdicts pays les comtes d'Eu et de Nevers ; lesquels comte et chancelier feirent publier plusieurs lettres en faisant commandement de par le roy et comte de Nevers, ès pays dessusdicts et touts ceulx quy avoient accoustumé de eulx armer, avecq touts fiefvés et aultres, feuissent prests au mois de may, en faisant deffense de par le roy que nuls, sur confiscations de corps et de biens, sur la hart, ne s’armassent dessoubs aultres princes que le roy ou le comte de Nevers. Mais, nonobstant lesdicts commandements, le seigneur de Movyreuil, grand terrien, quy avoit tout le sien èsdicts pays, lequel avoit iousjours tenu le party de Bourgoingne, et estoit valliant chevallier, le seigneur de Wadencourt, chevalier, et plusieurs aultres chevalliers, nobles et aultres chevalliers, nobles et aultres gents de guerre, s’armèrent et allèrent avecq le comte de Charrollois; et aimèrent mieulx abbandonner touts leurs héritaiges et biens que eulx armer contre le comte. Plusieurs chevalliers et escuyers y avoit êsdicts pays quy ne s’armèrent ne d’ung costé

J. DU CLERCQ

ne d’aultre , entre aultres le seigneur de Beauvoir. Plusicurs aussy en y olt quy s’armèrent du costé du roy, tels que le seigneur Dommarcq, le seigneur de Reubempré, le seiyneur d’Avelis, le seigneur de Remy et plusieurs aultres chevalliers. Durant ce temps que d’ung costé et d’aultre, comme dict est, chascun se préparoit à la guerre, le comte de Nevers, quy scavoit pour certain que le comte de Charrollois le tenoit pour son ennemy, envoya plusieurs messagiers et ambassades devers le comte de Charrollois, pour estre oy en ses deffenses et excusations diverses; vers lequel ceulx quy alloient ne pooient avoir audience, ains les renvoyoit le comte sans riens faire. Ce voyants plusieurs chevalliers et escuyers de l'hostel du comte de Nevers leur maistre, et que on leur polroit imputer aulcuns crimes dont ils estoient innocents, abbandonnèrent ledict comte et s’en partirent de luy, et allèrent servir le comte de Charrollois ; lesquels j’en nommeray aulcuns : premièrement le seigneur de Crievecœur, son premier chambellan et principal gouverneur, le seigneur de Miraumont, le seigneur de Beauvoir, le seigneur de Hargeries, chevalliers et touts chambellans, Jennet d'Offay, capitaine de ses archiers, et plusieurs aulires de ses serviteurs. Le comte de Nevers voyant qu'il ne pooit trouver traictement devers le comte de Charrollois, envoya prier plusieurs fois au seigneur de Saveuses qu'il volsist aller parler à luy, lequel seigneur de Saveuses n'y voullut oncques aller, car il se tenoit à Lully en Picardie; et comme ledict seigneur de Saveuses se feut party dudict Lully pour aller devers le duc de Bourgoingne, quy l’avoit mandé, et passant par Bray-sur-Somme, le comte de Nevers vint parler à luy audict Bray, le troisiesme jour de may ; et parla longuement à luy, affin que ledict seigneur de Saveuses, nommé Philippes, lequel estoit ancien, valliant et sage chevallier, et ne avoit tenu aultre partie que du duc de Bourgoingne, parlast pour luy audict comte de Charrollois; ce que ledict chevallier promit faire, moyennant qu’il ne s’armast d’ung costé ny d’aultre,et qu’il ne bouttast point de garnison dedans Péronne; ce que le comte luy promit. Lequel seigneur de Saveuses party, tost après le comte de Nevers feut adverty que le comte de Sainct-Pol avoit passé monstre de ses gents d'armes, et estoit allé

devant Péronne, eulx admonester qu'ils se rendissent au duc de Bourgoingne et à son fils le comte de Charrallois; auquel ceulx de la ville avoient prins trois jours de respondre, durant lesquels ils envoyèrent vers le comte de Nevers, à Amiens, luy signifier que, s’il ne venoit à Péronne, ils feraient par le conseil du commun, lesquels comme on disoit ne demandoient que eulx rendre Bourgoingnons. Ce oyant, le comte partist d'Amiens le quinziesme jour de may, avec luy Joachim Rohault, mareschal de France, lequel avoit cent lances et deulx cents archiers dessoubs luy, de l'ordonnance du roy ; et ce propre jour entra en la ville de Péronne, avecq luy de cinq à six cents chevaulx, touts gents de guerre. La cause pourquoy le comte de Charrollois volloit ravoir la ville de Péronne, avecq les villes et chastelleries de Montdidier et de Roye en Vermandois, estoit qu’il disoit que lesdictes villes et chastelleries avoient esté données par son père, duc de Bourgoingne, au comte de Nevers, quand il se maria, pour en joyr sa vie durante , ou tant et si longuement que on luy délivreroit trente -deux mille couronnes d'or, ou que ledict comte auroit plus grandes seigneuries : depuis lequel don le comte de Nevers, puis peu de temps, avoit tant faict vers le roy et duc de Bourgoingne qu'il avoit, comme il disoit, lesdictes villes et chastelleries à tousjours ; et mesmement puis ung an ou environ, on ne cryoit crys publics et ne baillioit-on lettres ès-dictes prévostés et villes, que de par le roy et comte de Nevers , ce que paravant on avoit tousjours crié de par le roy et duc de Bourgoingne. Le comte de Charrollois disoit oultre que, despuis ce don faict, le comte de Nevers estoit pourveu de la comté de Naevers, Retel et plusieurs aultres seigneuries, par quoy il debvoit ravoir lesdictes chastelleries et “villes, et que son père ne pooit aliéner son héritaige sans son gré ; et mesme maintenoit le duc qu’il ne luy avoit baillié icelles terres que à rachapt ; et s’il en avoit lettres, sy estoientelles scellées sans son sceu. Le seigneur de Saveuses, quy estoient devers le comte de Charrollois, avoit jà tellement besoingné pour le comte de Nevers qu’on disoit qu’il avoit sa paix, quand on vint dire au comte que le comte de Nevers avoit houtté grosse garnison à Péronne, quy esloit contre ce qu'il avoit promis au sei-

gneur de Savouses ; par quoy tout feut rompu. |