CHAPITRE XX VIII
Comment le comte de Nevers se partist de Péronne; et du siége que le comte de Gharrollois meil à Beaulieu.
Durant le temps qu’on estoit occupé à mectre
en obéissance du comte de Charrolloisles villes dessusdictes, le comte de Nevers, scachant que le comte de Charrollois avoit passé la rivière de Somme, doubtant que le siége ne feust mis devant Péronne et qu’il ne feust enclos dedans, se partist dudict Péronne, avec luy Joachim Rohault, mareschal de France, le seigneur de Moy et aultres jusques au nombre, comme on disoit, de deux mille combattants ; et s’en allèrent pour entrer à Noyon. Devant la porte de laquelle ville ils feurent longuement ains qu’on les volsist laisser entrer ens, et promirent que n’en y entreroit que certain nombre, affin qu’ils ne feussent maistres de la ville; mais, quelques promesses qu'ils fissent, ils n'en tindrent riens ; ains y entrèrent touts et feurent maistres de la ville, et y feirent assez de desroy; et à l’entrer ens y olt ung homme d'armes occis par ceulx de la ville par laisser cheoir l’erche de la porte, cuidant deffendre que touts n'y entrassent. :
Environ le vingt-cinquiesme jour de juing, après ce que la ville de Mont-Didier se feust rendue, le comte de Charrollois se partist de Roye, et alla mectre le siége devant le chastel de Beaulieu, quy est ung fort chasteau appartenant au seigneur de Neelle, et y avoit ung gros villaige ; auquel chastel y avoit plusieurs compagnons de guerre quy, sçachant sa venue, bouttèrent le feu en la ville autour du chastel, et ardirent le plus beau et meilleur de la ville. Auquel siége y feut environ huict jours, durant lesquels le chasteau feut moult endomimaigié de canons et aultres traicts à poudre ; et feut tellement battu que ceulx de dedans se rendirent saulfs, leurs vies, biens et harnas ; et se rendit le chastel le jour Sainct-Jehan-Baptiste. Durant que le siége estoit devant Beaulieu , le bastard de Sainct-Pol, seigneur de Haultbourdin, passa la rivière d’Oyse, luy et ses gents, et entra en la ville de Pont-Sainct-Maxence, ains que ceulx de la ville en sceuissent riens. Icelluy chevallier estoitavecq le comte de Sainct- Pol, lequel comte menoit et conduisoit l'avantgarde du comte de Charrollois, lequel comte avoit ordonné de touts ses gents trois batailles : une avant-garde que menoit le comte de Sainct- Pol ; une arrière-garde que menoit le bastard de Bourgoingne; et il menoit la bataille quy estoit la troisiesme. Tantost que le comte de Charrollois sceut qu’il avoit passaige par la ri-
vière d'Oyse, luy et toute son armée allèrent au Pont-Sainct-Maxence, et passèrent touts la rivière. Ceulx de la ville feirent au comte toute obéissance au nom du duc de Berry, dont il se disoit lieutenant-général ; et illecq, de par le duc de Berry, le comte feit crier que il mectoit jus touts les subsides, impositions, quatriesmes et aultres débittes; et pareillement avoit faict mectre jus à Péronne et à Mont-Didier. Icelluy comte entra en ladicte ville de Pont le jour Sainct-Pierre et Sainct-Pol.
