CHAPITRE XXXL

Comment le roy Loys de France vint hastivement du pays de Bourbonnois pour combattre le comte de Charrollois.

Le roy de France, lequel estoit au pays de Bourbonnois, ou environ, où il guerroyait le duc de Bourbon, et empeschoit que le duc de Berry et de Bretaigne ne se joignissent et passassent pour aller à Sainct-Denys vers le comte de Charrollois, comme ilsavoient promis,ayant la plus grande armée qu'ilavoit peu assembler, à pied et à cheval, sans prendre les garnisons que il avoit laissié partout son royaulme, comme sur la rivière de Saine, sur les marches de Bourgoingne, comme sur les rivières de Somme et d’O yse, et ailleurs, en Normandie, Guyenne, et par tout son royaulme, feut adverty que le comte de Charrollois et toute son armée avoient passé les rivières de Somme, d’O yse et de Saine. Doubtant que les seigneurs de Berry et de Bretaigne, et aultres princes, ne se assemblassent, scachant que eulx assemblés seroient plus forts que luy, polroient plus nuire et seroient plus dangereulx à vaincre que chascun à part luy, assembla touts ses capitaines pour avoir conseil s’il combattroit les ducs de Berry ei de Bretaigneains qu’ilcombattist le comte de Charrollois. Et combien qu’il y olt de diverses opinions, la pluspart luy conseilla qu’il combattist premier le comte de Charrollois; car s’il le pooit ruer jus et vaincre, de legier il auroit à sa vollonté les ducs de Berry et de Bretaigne, et touts les princes de France; et que c’estoit ” le meilleur, ains que ledict comte euist avec luy