LIVRE V, CHAP. XLIIL

Saveuses feit seller ses chevaulx et manda ceulx ;

le duc de Bourgoingne et le seigneur de Sa-

veuses, pour avoir gents de guerre Ledict sei- :

gneur de Boulliencourt, hardy et valliant chevallier, lequel n’avoit que vingt ou trente compaignons de guerre de ses propres suhjects avecq luy en la ville de Mont - Didier, envoya aussy devers le duc et le seigneur de Saveuses pour avoir gents pour garder la ville de Mont- Didier le plus brief que on polroit; et sy on ne luy envoyoit, sy garderoit-il la ville au nom du duc jusques à la mort. Il estoit saige chevallier, hardy, et loyal vers Dieu et le monde, et ne avoit oncques tenu aultre partie que la partie du duc de Bourgoingne, pourquoy il estoit fort aimé de ceulx de la ville, quy estoient fort Bourgoingnons. Après que le seigneur de Saveuses olt oy leurs requestes, et qu’il olt assemblé ses gents en la ville de Bapalmes, sy les despartist et envoya en plusieurs places, eomme à Roye, Mont-Didier, Bray, et aultres.