CHAPITRE XLII

Comment les nouvelles vindrent ès pays du duc que le comte de Charrollois avoil eu victoire au Mont<e-Iléry.

Les choses dessusdictes faictes, combien que touts les passaiges de la rivière d’Oyse, de Saine et d’ailleurs par toute France, feussent de sy près gardés que nul n’y passoit quy ne feust desrobbé et pillié plusieurs fois, et du tout desnué jusques à la chemise, pourquoy ne pooient apporter lettres ne cédulle pour scavoir le vray de la bataille, toutesfois auleuns jacobins, carmes, frères mineurs, et aultres gents en pauvre habit, passèrent toutes les rivières et vindrent dire les nouvelles de la bataille , et comment le comte de Charrollois avoit eu la victoire de la bataille au Mont-le-Héry, et que par sa valliance il avoit demouré sur le champ et estoit cause de la victoire.