CHAPITRE XLIII

Comment cœulx du pays de Liége envoyèrent deffer le comte de Charrollois; et de l'alliance que le roy de Frasce print aulx Liégevis.

Environ le mois d’aoust. l’an dessusdict mil quatre cents soixante- cinq , ceulx de la cité et pays de Liége, envers lesquels Loys, roy de

| France, au mois de juing devant passé, avoit envoyé une grosse ambassade pour avoir al-

se DT A PÉD Ce Bb 4 :

= © 4 use €

liance, et eulx annuire au duc de Bourgoingne :

et son fils ; laquelle ambassade print aulxdicts Liégeois alliance, par laquelle ceulx de Liège promirent de mener guerre au due et à son fils, avecq touts leurs amis et alliés, et d’entrer ès pays de Brabant, de Namur et aultres pays du dac, à force d'armes et y boutter le feu, et faire touts faicts de guerre en dedans le jour Sainct-Jacques et Sainct-Christophe, l’an dessusdict soixante-cinq ; et moiennant ce , le roy leur debvoit envoyer deux cents hommes d’armes, chascan à trois chevaulx du moings, en dedans ledict jour ; lesquels entreroient d’ung aultre costé au pays de Haynault, à force d’armes; et avecq ce promit que le roy ne feroit paix au duc ny aulx siens, sans leur congié, où qu'ils y feuissent comprins,avecq plusieurs aultres choses qu’ils prévirent, dont ils baillièrent lettres scellées du scel du roy ; de toutes lesquelles choses le duc feut adverty. Icelles alliances faictes, environ le moisd’aoust l'an dessusdict soixante-cinq, le vingt-deuxiesme jour, comme le duc de Bourgoingne mectoit le pied en l'estrier, en sa maison de Bruxelles, pour aller battre à la chasse, vint ung hérault de par ceulx de Liége, quy luy apporta lettres par lesquelles ils deffioient le comte de Charollois son fils, de feu et de sang, requérant sur ce avoir response ; lequel n’olt aultre response fors qu’il portast les lettres au comte. Le messagier retourna à Liége. Ceulx de Liége renvoyèrent deffier la personne du duc et touts ses alliés, et vuidèrent en grand nombre et grande puissance de la cité ; et en ardant et gastant touts les pays du duc, allèrent mectre le siége devant la ville de Lembourg. Le duc de Bourgoingne oyant et voyant la malle vollonté de ceulx de Liége, et sçachant l'alliance par eulx prinse au roy de France, feit mectre sus gents d'armes pour résister à ses ennemis, et manda les ducs de Clefves et de Gueldres, ses nepveux, le comte de Nanssau, le marquis de Ferrare, le comte de Hornes, le seigneur de Guasembecq, le bastard de Brabant, le séneschal de Haynault, messire Jehan de Reubempré grand bailly de Haynault, et plusieurs aultres seigneurs, tant en Brabant, Haynault et Allemagne, sans les garnisons qu'il avoit mis en ses villes et forteresses de tout allenviron des pays de Liége. Touts lesquels seigneurs dessusdicts vindrent servir le

duc en armes et bien accompagniés; et luy- !

mesme volt aller à Namur, à intention de combattre ceulx de Liége. Quand ceulx de Liége feurent advertis de l’armée que le duc avoit, non cuidants que, pour la grande armée que son fils avoit mené en France, qu'il en puist recouvrer de tant, et voyants que le roy n'avoit pas envoyé ses deulx cents lances en Haynault comme il avoit promis, levèrent le siége et retournèrent en la ville de Liège.

Environ ce temps, la duchesse de Clefves, fille da comte de Nevers, quy plus d’enfant n’avoit, vint devers le duc de Bourgoingne, en la ville de Bruxelles, où feut trois ou quatre jours ains { que le duc volsist parler à elle. Le troisiesme jour vint vers le duc et se jetta à genoulx, tendrement luy priant qu’il volsist avoir pitié de son père et d’elle; car sy son père estoit destruict et déshonoré, elle et ses enfants l'estoient , dont en avoit plusieurs du duc de Clefves son mary, et par espécial trois fils; disant encoires que tout le bien et honneur que elle et son père avoient, venoient de luy quy les avoit nourry, eslevé et marié sy haultement que chascun scavoit et scait, comme à ses enfants. Le duc à ces mots se ratenrit, et luy cheurent les larmes des veulx ; et dit à la dame telles parolles ou en substance : « Vostre père re- « cognoist et a mal recogneu le bien qu’il a eu

« en l’hostel de céans ; jeluy avois faict dire qu’il « se partist de Péronne et s'en allast en la comté « de Nevers ou de Retel, quy sont a luy, ct là « se tenist jusques à tant que j'aurois tant faict, « que mon fils feust content de luy ; dont il n’a « riens faict, ains s’est armé contre monseigneur « de Berry et mon fils, et a faict le pis qu'il a «peu, et tenu mon héritaige de Péronne, de « Mont-Didier, de Roye, les cuidant estre siens, «“ ce qu'ils ne sont pas, sinon pour certaines « sommes de deniers que je luy donnay, laquelle «on luy a voullu rendre, mais il ne l’a voullu « prendre. Je ne scais s’il cuide avoir iceulx mes « héritaiges et aultres grandes seigneuries que a j’ay ;ilneles aura pas; jeluyengarderay bien, «au plaisir de Dieu. » Et à ces mots laissa la dame. Trois ou quatre jours après le duc de Clefves, quy avoit laissié ses gents d'armes ès garnisonsentour du pays de Liége, vint à Bruxelles, vers le duc son oncle, vers lequel n’avoit esté de loingtemps paravant pour les divisions dessus-

(1) Avant, ;

dictes. Ledict duc de Bourgoingne le receut très honnorablement et le festoya et feit grande chière ; et avecq les duchesses de Bourbon, de Gueldres, de Clefves et aultres dameslebien-viengna.

Audict an soixante-cinq, au mois de juing, en la ville d'Arras, ne scay sy la constellation du temps le debvoit, mais plusieurs petits enfants, sur le grand marchié et par les rues, se croisoient pour combattre l’ung contre l’aultre, et crioient, l’ung Bourgoingne! l’aultre Estampes! l’aultre Croy ! et avoient tonneaulx où ils bouttoient l’ungl’aaltre comme prisonniers, et ce comme par esbattement. Et comme ils faisoient ce, ung manouvrier nommé Jehan, en les regardant, boutta ung compaignon nommé Robinet, vallet d’ung barbier ; dont ledict Robinet print paroles audict Jehan, et le desmentit ; pourquoy icelluy Jehan luy donna un coup de poing; lors tira lediet Robinet sa dague et le férit au front, duquel coup il mourut trois jours après. Pour lequel faict ledict Robinet feut banny de la ville d'Arras, et s’en alla en Flandres, dont il estoit. Ledict Robinet laissa sa femme povre et chargiée de six enfants; car il n’avoit que sa labeur.

Audict an encoires, le vingt et uniesme jour de juing, en la ville d'Arras, une femme mariée, nommée Jehenne Lenglesse, femme de Jehan Lenglé,attourneresse et achemeresse ‘des dames de nopces, feut mise sur ung char, lvée par les bras et par les espaulles contre une estacque, tellement qu'elle ne se pooit couchier ny baisser, et feut menée par touts les carrefours de la ville d'Arras, ung sien cousin avecq elle, lequel estoit cordier, joueur du luttre® aux nopces; et feut à chascun carrefour battue sur sa chair nue par un bourel, et son cousin avecq, puis menés au grand marchié au pillory, et illecq bouttés leurs testes et mains ès ceps, entre deulx aisselles, où ils feurent certaines heures publicquement, puis mis hors et bannis à toujours de ladicte ville d'Arras ; et la cause feut, pour ce que ladicte Jchenne feut trouvée avecq son cousin sur les champs, quy emportoient plusieurs biens de son mary, lequel ils avoient cuidé meurdrir. Icelle Jehenne, comme on disoit, estoit sy abbandonnée de son corps que riens plus; et mesme alloit souvent quérir son

(ti Du vicux mot acesmr, prononcé achesmé, en Flandres, et qui sigoifie paré. Achemeresse signifie ici faiseuse de parures. (3) Luth,