LIVRE V, CHAP. XLIII

cousin estant couché avecq sa femme pour coucher avecq elle. J’ay mis ceste œuvre de justice

: par escript pour ce que de mémoire d’homme

on n’avoit veu parcille justice.

Environ ce temps y olt de cent à six-vingts maisons ardses en la ville d’Ardres: et feut la ville à moitié ardse; et disoit-on que le feu y avoit esté boutté par compaignons que le chancellier de France y avoit envoyés, et qu'ils estoient douze ou quatorze quy se debvoient espandre par le pavs du duc de Bourgoingne, ct boutter le feu ès bonnes villes s'ils pooient, lesquels ils bouttoient par traicts, que ils tiroient ès couvertures d’estoeulle !, quy ne s’allumoit point qu’il ne feust ung jour après qu'ils estoient retirés; desquels compaignons aulcuns feurent prins en la ville de Sainct-Omer,

Audict an aussy, le septiesme jour de juillet, un ung villaige environ Béthune, nommé Bruay, lequel jour il estoit la chandeille et feste dudict . lieu , et par ung jour de dimanche, ainsy que chascun estoit à léglise et y chantoit-on la grande messe, environ l'offertoire, chéit en ladicte église ung coup de fouldre et de tonnoire sy terrible qu’il occist ung josne fils de vingtdeulx ans d’age, quy chantoit à l’estaplier, et deulx enfants de dix -huict ans d’age ou environ, et navra et brusla plusieurs sans mort, et entra par dedans le comble et feit un trou ès thiculles?, et r’allaissir par ung autre lez audict comble. La dame de Bruay, josne dame, n’y estoit pas, et n’y feust pas parce que, comme elle s'en volt partir de son chastel pour aller à l’église,ung fol innocent, quy demouroit avec elle, luy dit qu’elle n’y allast pas, et que sy elle y alloit il luy en viendroit mal; et estoit ce fol ung gentilhomme nommé 5. .. , lequel estoit marié et avoit plusieurs enfants; mais puis vingt ans avoit eu tel accident de maladie qu'il estoit tombé en innocence, et avoit gasté le sien, sans avoir faict de mal à personne, ne sans despuis avoir attouché à sa dicte femme ne à aultres, non plus que ung enfant. Il vint bien à la dame qu'elle n’y alla pas, car la fouldre chéit au siége où elle se séoit en l’église , et emporta une image de Sainct-Martin, patron de leur église, l’espée de quoy il coppoit son mantel, et en plusieurs licux de l’église se jetta, st esgratinia les painctures.

(4) Paille. (2) Tuiles.

{3) Lacune d'un mot dans le manuscrit.