CHAPITRE XLIV
Comment le duc de Bourgoingne envoya de l'argent à son file; et comment le roy alla à Conllans devers le comte de Charrollois ; et aulitres choses.
Après la journée du Mont-le-Héry, il feut plus de quinze jours avant que le duc de Bourgoingne sceuist le rencontre; et luy feut cellé jusques à ce que on feut bien adverty comme la chose alloit ; et ne luy osoit-on dire, pour les grandes maladies qu’il avoit eues, dont encoires n’estoit pas bien guérv, doubtant qu'il prist la mort de dueil ; mais le vray de la journée sceu, tout luy feut conté. Le duc, paravant la journee, avoit envoyé argent pour payer les gents d'armes, lequel argent estoit encoires à Arras, quand on rapporta que son fils avoit tout perdu, parquoy il envoya ledict argent avecq aulcuns compagnons de guerre au seigneur de Saveuses, affin de conduire ledict argent à son fils; lequel seigneur de Saveuses, accompaignié de touts ses gents, tant de pied que de cheval, conduict icelle finance jusques à Mont-Didier ; auquel lieu le comte de Charrolloisenvoya le seigneur de Hault-Bourdin, avec grande compaignie de gents de guerre , pour estre et accompaignier le seigneur de Saveuses, et amener lesdictes finances, comme ils feirent ; lesquels les conduirent jusques à Conflans. Et leur feut nécessité d’estre bien accompaigniés de gents d'armes, car plusieurs garnisons des gents du roy. s’assemblérent et feirent plusieurs embusches pour les ruer jus et prendre lesdictes finances; desquelles embusches ledict seigneur de Saveuses en feut adverty. Sy se tindrent luy et ses gents tousjours en bonne ordonnance, jusques à tant qu'ils vindrent à Conflans devers le comte de Cherrollois. Quand le seigneur de Saveuses approcha de Conflans, sy tira de ses gents, sans plus, d’une part avecq luy, et se meit en bataille et belle ordonnance, et vint où le comte de Charrollois estoit. Lequel il faisoit beau veoir ; car, combien qu’il olt bien soixantedouze ans, sy estoit-il monté et habillié comme sy ne olt que quarante ans; et avoit quatre ou cinq pages après luy, atout riches salades, leurs chevaulx et le sien chargiés d’orfévreries, semés de croix de Sainct-Andrieu. Le comte de Charrollois le veit en cest estat moult volontiers, et luy feit grande chière; et dit-on que , en luy faisant le bien-viegnant, il luy dit :
«“ Seigneur de Saveuses, soyez le très bien venu; « je voldrois que euissiez esté avecq moy au “ Mont-le-Héry, et m'euist cousté quarante « mille escus d’or. »
