CHAPITRE XLVI

Comment lé roy de France alla à Conflans devers le com'e de Charrollois ; et plusieurs aultres choses.

Durant que les princes de France estoient environ Paris, et que les trefves estoient pour parlementer de paix, le roy de France se partist de la ville de Paris, et en une nacelle, par la rivière, alla près de Conflans. Quand le comte sceut sa venue, sy alla allencontre, en la compaignie de ses archiers et aultres seigneurs. Tantost que le roy le veit venir, issist hors de sa nacelle et alla vers luy. Le comte, d’aussv loing qu’il le veit, luy feit honneur tel qu’à ung roy de France appartient; puis vindrent ensemble ; et de prime face le roy l'embrassa en luy monstrant grand honneur et amour, puis se devisèrent ensemble bien longuement; de quoy je ne scay, mais j’ay veu la coppie d’une lettre que le comte rescript à son père, par laquelle luy escripvit comment il avoit parlé au roy, lequel luy avoit dict moult de belles parolles. Quand le roy se partit du comte, il pria au comte qu'il volsist venir à Paris. et que là luy feroit grande chière ; mais le comte luy feit response qu’il avoit voué et promis qu’il n’entreroit en nulle bonne ville jusques à son retour. Atant s’en retourna le roy à Paris, lequel donna aulx archiers du comte cinquante courqnnes d’or pour aller boire; et le comte retourna à Conflans.

Durant lesdicies trefves et parlement, ceulx de Croy, leurs enfants et le seigneur de Lannoy estoient à Paris, et meirent grande peine pour ravoir leur traictié au comte; et mesme le roy s’y employoit le plus qu’il pooit; mais oncques n’y volt le comte entendre ; et sur toutes choses ne volloit oyr parler de ceste matière. Le scigneur de Croy, par saulf-conduict, alla une fois avec le roy jusques en l’ost du comte, durant que on traictoit de paix; mais il feut dict qu'il n’y vinst plus. Le roy, par plusieurs fois, vint à Conflans veoir le comte de Charrollois, et olrent moult de secrettes devises ensemble; et monstroit leroy moult grand honneur et amour au comte, et sy grand que on ne polroit plus; car, quand il le venoit veoir, il renvoyoit touts ses gents, qu'il n’en retenoit que bien peu; et disoit-on qu'il estoit plus asseur avecq le comte et ses gents que dedans Paris.