CHAPITRE XLVII
De la prinse du roy Henry d'Angleterre par le roy Edouard; et comtnent la ville de Rouen feut prinse par le duc de Bourbon, Ponthoise par les Bretons; et du miracle de Sainct-jacques ; et d'’aultres choses.
Environ le mois d’aoust, l'an dessusdict quatorze cents soixante et cinq, par les gents du roy Edouard feut prins le roy Henry d’Angleterre, et mesme, en la ville de Londres, le feiton monter sur ung petit cheval et mener tout avant la ville, en laquelle le roy Edouard avoit faict deffense sur la hart que nul ne le saluast. Et dans cest estatet mal révéramment, maisbien honteusement, feut mené jusques au chastel, devant lequel avoit un arbre à manière de pillory, autour duquel le feit touppier! trois fois, et puis feut boutté dedans le chastel. De laquelle desrision plusieurs de la ville de Londres feurent moult troublés, mais ils n’en osoient dire mot.
(1} Tourner.
Audict an soixante-cinq, le huictiesme de septembre, en la ville d'Arras, environ les Nœufves Estuves, trois compagnons quy se disoient au seigneur de Savye prindrent noise à trois ou quatre sergeants, pour les filles, et feut l'ung des sergeants navré, nommé le Roy de la Povrelle. Roy de la Povrelle, et les voyant que c’estoit acertes , dit à ung compagnon quy les regardoit :« Va prendre ces compagnons, je te « fay sergeant; "lequel le cuida aller prendre, mais lung des trois compagnons luy coppa ung poing ; puis s’en allérent sans estre prins.
Ce propre jour, environ l'heure de vespres, aulcuns compagnons se combattirent aux nocquets en l’abbaye en ladicte ville. Oyant le desbat, ung gentilhomme nommé Waurin de Vignacourt, lieutenant du cappitaine d’Artois, vuida de sa maison, quy estoit debvant le lieu où on se combattoit, et en feit l’ung prisonnier; pourquoy les aultres l’assaillèrent et le navrèrent d’ung espieu en l’espaule ; et s’il ne se feut deffendu, et que aulcuns compagnons vindrent en aide, ils l’euissent par adventure tue.
Audict an soixante-cinquiesme, environ la fin du mois de septembre, feut prinse la ville de Pontoise, et y entrèrent les Bretons par nuict, par moyen du lieutenant du cappitaine et aultres.
Environ aussy ce temps, le duc de Bourbon, accompaignié de plusieurs gents de guerre, entra au chastel de Rouen en Normandie, lequel luy feut rendu au nom du duc de Berry, par la femme du séneschal de Normandie, quy mourut au Mont-le-Héry ; laquelle l’avoit en garde par le roy, et se fioit le roy moult en elle. Et assez tost après, par le moyen d’aulcuns des plus grands de la ville, par le conseil desquels la dame avoit faict entrer le duc de Bourbon au chastel, le duc de Bourbon feut mandé de ceulx de la ville, en laquelle, et tantost qu'il y feust venu, tout le commun de la ville se rendirent à luy pour et au nom du duc de Berry, et prindrent le duc de Berry à duc de Normandie. Ce faict, le duc de Bourbon alla en plusieurs villes de Normandie; lesquels il réduit tout à luy, pour et au nom du duc de Berry; et mesme Ja ville de Caen se rendit, et à peu tout Normandie.
Environ ce temps, les gents du duc de Bourgoingne ardirent plusieurs villaiges au pays de Liége; et pareillement feirent ceulx de Dynant,
et les Liégeois au pays du due, tant ès pays de Brabant, Lembourg, comme en la comté de Namur ; et tant d’ung costé que d’aultre feurent ards infini nombre de villaiges et de maisons.
En ce temps, environ le commencement d'octobre, issirent ceulx de Dynant, et allèrent vers Bouvines et ès pays du duc, et en olt aulcuns tués, et feurent constraints de rentrer dedans Dynant. Les parents de ceulx quy feurent morts à ceste rencontre s’assemblèrent en grand nombre, et allèrent en une prison où ils trouvèrent trois prisonniers du pays du duc, lesquels ils tuèrent, et les menèrent hors, et au premier arbre qu'ils trouvèrent, ils les pendirent ; mais, par la grace de Dieu et mérite de monseigneur sainct Jacques, comme l’ung des trois s’estoit voué à monseigneursainct Jacques, et le réclama à haulte voix, ayant ferme espoir qu'il-le garderoit de mort, la corde dont ilestoit loyé au col, au cheoir de l’eschelle, rompit, et oncques ne le peurent pendre, par le mérite du benoist sainct Jacques; et feut le compaignon ramené en la ville sans estre mort ou blescié, et les deulx aultres demourèrent pendants. Non contents encoires de ce, prindrent ung josne fils d'Arras, fils de Martin Cornille, escolier, lequel estoit prisonnier, et avoit esté prins des gents de guerre en retournant de l’estude ; lequel ils l’euissent faict mourir, mais aulcuns de la ville en olrent pitié, et leur dirent que l'enfant estoit fils d’ung riche homme, lequel leur paieroit grosse rençon, quy leur seroit donnée pour faire prier pour les ames de leurs amis quy estoient morts, et pour eslever leurs enfants; et ce feit sauver l'enfant, lequel depuis paya à ceulx de Dynant grosse rencon.
