CHAPITRE XLVIIT
pe la mort de la cointesse de Charrollois ; et comment le comte de Nevers feut prins, et le chastel ct ville de Pé
ronne.
Le vingt-sixiesme jour de septembre, l'an mil quatre cents soixante-cinq, en la ville de Bruxelles, par ung jeudy, cloist son dernier jour très noble et excellente dame Catherine de Bourbon, femme du comte de Charrollois, laquelle ne deslaissa que une fille seulement, nommée Marie, et n’avoit oncques eu plus
d’enfant. Icelle dame avoit la renommée d’estre la plus humble, la plus bénigne, et pleine de meilleurs mœurs que dame que poeult estre. Le comte et elle avoient aimé lung l’aultre parfaictement et tellement qu’il n’estoit point sceu que, puis que le comte l’eust espousée, il euist à faire à aultre femme que à elle. On disoit qu’elle estoit tant gracieuse que à peu l’avoit oncques veu courrouciée. Les duchesses de Bourgoingne et de Bourbon, ses mères, feurent à son trespas. Laquelle duchesse de Bourgoingne feit merveilleux debvoir de la garder nuict et jour, tellement que à l’heure de sa mort elle dit que la duchesse de Bourgoingne estoit mieulx sa mère que sa mère quy l’avoit portée. Icelle duchesse de Bourgoingne estoit moult dévote, et luy challoit peu du monde ; et à ceste cause, ne se tenoit pas avecq le duc son mary, ains y laissoit estre la duchesse de Bourbon, sœur de son mary, laquelle tenoit compaignie au duc, et avoit tenu deulx ou trois ans paravant, avecq plusieurs de ses enfants, fils et filles.
Le troisiesme jour d’octobre ensuivant, l’an dessusdict mil quatre cents soixante-cinq, ung gentilhomme, natif de Bourgoingne, nommé Arcquembault, lequel ung mois paravant avoit esté plusieurs fois à Péronne, devers le comte de Nevers, par le moyen du seigneur de Saveuses, et puis, par saulf-conduict du roy, avoit esté en France devers le comte de Charrollois, et retourné devers le duc son père, et disoit-on que c’estoit pour trouver le traictié du comte, et que le comte devoit rendre Péronne, icelluy Arcquembault, en la compaignie du seigneur de Roubaix, du seigneur de Fourmelles et aultres, jusques au nombre de cinq à six cents combattants, environ quatre heures du matin vindrent debvant Péronne; et quand ils approchèrent de la ville, ledict Arcquembault, luy douziesme à pied, avecq les aultres, alla au boullovert debvant le chastel ct monta dedans par eschelles, et print ledict boullovert et ceulx de dedans, par le moyen desquels il entra incontinent dedans la tour du chastel, où il trouva le comte de Nevers, le seigneur de Sailly, et aultres en leurs lits, lesquels il print prisonniers; et ce faict, environ le poinct du jour, le comte et ses gents jettèrent cris au prendre, tellement que ceulx de la ville Poyrent, lesquels vindrent en armes debvant le ‘ehastel, auxquels estoient jà entrés soixante à
