LIVRE V, CHAP. XLIX

quatre-vingts hommes des gents du duc de Bourgoingne, quy vindrent sur les murs monstrer à ceulx de la ville comment ils estoient au duc de Bourgoingne et qu’ils se rendissent à luv. Lesquels prindrent advis de respondre à trois heures après disner, et de trois heures à cinq; à laquelle heure ilsobéirent aucommandement des gents du duc, et ouvrirent les portes au seigneur de Roubaix et aulx aultres. Et, par ceste facon, feut prinse la ville et mise en la main du duc, dont aulcuns disoient que le comte de Nevers l’avoit ainsy voullu laisser prendre, affin que le roy de France, auquel il avoit faict serment, ne le volsist chargier de sa fuy, et que son traictié estoit faict au duc et à son fils. Mais, quoy qu'il en feust, on mena prestement ledict comte prisonnier au chastel de Béthune, et ledict Arcquembault demoura à Péronne ; lequel avoit le renom de bien escheller villes et chasteaulx, et par luy feut prinse et eschellée la ville de Luxembourg, comme on disoit, en l’année mil quatre cents quarante-deulx.

Audict an soixante-cinq dessusdict, le quinziesme jour d'octobre, environ cinq heures après minuit, en la ville d'Arras, feut veu comme le ciel ouvrir, et feit clair comme ung coup d’esclitre!; et après ce, on veit vers bise? au ciel comme ung barreau de feu de la longueur et facon d’une lance, lequel se tortigna, et puis se tourna à travers, et le bout de debvant, quy estoit menu, devint gros, et le bout de derrière, quy estoit gros, devint gresle, et puis diminua et vint à néant et dura à l’espace d’ung quart d'heure ou environ.