CHAPITRE L

Comment la paix feut traictiée entre le roy de France et les scigneurs de son sang.

Les princes et seigneurs du sang royal et aultres, estants autour de Paris, et le roy Loys dedans la ville, par le bon advis des seigneurs et de leurs conseillers, d’ung costé et d’aultre, feut tant traictié et parlementé que paix feut faicte et traictiée entre le roy de France d’une part, et le duc de Berry son frère, les ducs de Bretaigne, de Callabre, de Bourbon, de Nemours, les comtes de Charrollois, Blois, d’Ar-

minacq, et aultres, par la manière quy s'ensuit, non pas que je le mets tout au long, mais le mettray en brief sy avant que l’ay peu scavoir.

Premier, pour pourveoir aulx désordres du royaulme et des griefves exactions, charges et dommaiges du peuple, aulx plainctes et doléances de la part des seigneurs du sang et aultres subjects du roy, le roy commectroit trente-six notables hommes du royaulme, c’est-à-dire, à scavoir, douze prélats, douze chevalliers et douze notables gents de conseil et eulx cognoissants en justice, aulxquels il donneroit pooir de eulx informer des deffaultes quy se faisoient en son royaulme, et de y mectre remède convenable; et promist, en parole de roy, de tenir ferme et stable à tousjours tout ce qu’ils ordonneroient ; lesquels debvroient commencier le quinziesme jour de décembre, et avoir faict en dedans deulx mois, et au plus en dedans quarante jours après les deulx mois.

Item, seroit toute division mise à néant;et ne polroit nul reprochier à aultruy le party qu’il auroit tenu, ne n’en seroit en quelque dangier, ne luy en feroit-on nul grief, et sy rauroit chascun ce quy luy compétoit paravant l’armée mise sus, jà - soit-Ce que à cause de ceste leurs biens en héritaiges euissent esté donnés ;

liem, par icelluy traictié, le comte de Dunois, bastard d'Orléans, debvoit ravoir toutes les terres que le roy luy avoit ostées ;

Item, le comte de Dammartin, eut toutes ses terres et biens quelconques que le roy Iuy avoit ostés et donnés comme confisqués ;

Liem , le comte d’Arminacq rauroit toutes les terres que le roy luy avoit aussy ostées ;

Item, le duc de Bourbon r'olt toutes ses villes places et forteresses que le roy avoit confisquiées sur luy, et avecq ce trente-six mille francs, chascun an, de pension sur le roy, pour le mariage de sa femme, sœur du roy, et sy seroit capitaine et auroit la charge de une partie des gents d'armes de l’ordonnance du roy;

Tiem, auroit le duc de Calabre, pour aulcunes faultes qu’on luy avoit faict, par lesquelles il avoit perdu le royaulme de Naples, deulx cents mille couronnes d’or, avec la charge de trois cents lances de gents d'armes des ordonnances du roy, desquels il seroit capitaine ;

Item, le due de Nemours seroit capitaine de

deulx cents lances des ordonnances du roy et Capitaine de l’Isle-de-France ;

Item, le comte de Sainct-Pol feut faict connéstable de France , et luy baillia le roy l’espée de sa main, publicquement au palais à Paris ;

Item, le duc de Berry, seul frère du roy, pour son partage du royaulme de France, auroit la duchié de Normandie, par appañage à luy et ses hoirs masles procréés de son sang, pour la tenir en telle franchise et liberté que anciennement les ducs de Normandie la tenoient du roy de France, c’est à scavoir en féauté et hommaige, et que doresnavant tenroient les ducs de Bretaigne et d'Allencon leurs duchiés du duc de Normandie, comme anciennement ils avoient tenus :

Item, le comte de Charrollois olt toutes terres racatées par le roy au duc son père, comme celles de la rivière de Somme que ailleurs, avecq la comté de Guysnes, pour en jouir par luy et ses hoirs en la manière accoustumée et cy-après déclarée;

Item, par ce traictié, promit le roy de non jamais constraindre nuls des seigneurs dessusdicts à venir vers luy, ne y seroient tenus de y venir en leurs personnes, saulf toutesfois ne estre exemptés des services qu'ils doivent au roy de leur fidélité, et pour la deffense et bien évident du reyaulme ;

Liem, feurent rendues les villes, forteresses et places prinses et occupées, tant de l’une partie que de l’aultre, à cause de la division encommenciée ;

Item, feurent rendus touts les biens quy feurent prins durant les trefves ;

Item, pour tant que toutes ces choses et aultres, chascun des princes, pour aultant que leur pooit touchier, prindrent leurs scellés du scel du roy, desquelles lettres je ne peus avoir copie, fors seulement la copie des lettres que le comte de Charrollois en print, laquelle copie j’ay icy mis par escript en ce présent livre, dont la teneur s'ensuit.

Copie des lettres au prouffit du comte de Charrollois, par le traictié de Conflans.

« Loys, par la grace de Dieu roy de France, etc., à touts ceulx quy ces présentes lettres verront, salut. Comme nostre chier et très amé frère et cousin, Charles, comte de Charrollois,