LIVRE V, CHAP. L

du volloir et commandement de nostre très chier et très amé oncle le duc de Bourgoingne, son père, pour venir et assembler avecq nostre chier et très amé frère le duc de Normandie, n’a guières duc de Berry, et aultres seigneurs de nostre sang ayant volloir et intention de besoingnier et entendre en aulcunes matières concernantes le bien publicque et universel de nostre royaulme, l’estat et appaisement desdicts seigneurs vers nous, ayt despuis cinq mois en ca mis sus grande et puissante armée, sans laquelle il ne pooit seurement venir et soy trouver à leur assemblée ; pour ce mesmes que aulcuns rapports luy avoient esté faicts en luy donnant aulcunes charges, donnants à entendre que nous le tenrons pour nostre ennemy, et aussy que le comte de Nevers et le seigneur de Croy, qu'il tenoit et réputoit pour ses ennemys, par l’aide, part et faveur de nos gents de guerre, villes et pays, forteresses, s’estoient mis sus en armes, en la frontière des pays de nostredict oncle, et sur les passaiges de nostre frère et cousin, et à l’occasion de ces matières, tant avant l’assemblée d’icelluy nostre frère et cousin avec nostre frère de Normandie et aultres seigneurs de nostre sang que despuis, plusieurs discors, divisions et voyes de faict soient ensuivis, jusques à grande effusion de sang, entre nous, nostre frère ct aultres seigneurs de nostre sang, pour lesquels appaiser, affin de mectre à fin les grands maulx et inconvénients inestimables encommenciés, et quy estoient apparents à venir à

Cause desdictes divisions, à ce que nous et les-

dicts seigneurs de nostre sang puissions estre et demourer en amour, union, concorde que Dieu nostre créateur, auteur et largiteur de paix et union, puist estre servy et révéré, et nostre royaulme en touts estats régy et gouverné en paix, tranquillité, police et bonne justice : nous avons faict faire et tenir plusieurs assemblées d’aulcuns nos parents, conseillers et serviteurs, avecq l'autorité des seigneurs de nostre sang, et aultres leurs commis et députés, entre lesquels d’une part et d’aultre, après plusieurs notables ouvertures faictes, tant pour le bien publicque de nostredict royaulme, police et gouvernement d’icelluy, que pour l’appaisement et réunion de nostredict frère, duc de Normandie, et aultres seigneurs de nostre sang, envers nous, les commis et députés de nostredict

frère et cousin le comte de Charrollois, ont faict plusieursremonstrations, plainctesetdoléances, et entre les aultres, tant pour lesdicts rapports faicts à nostredict frère et cousin, que pour aultres causes touchant l’estat de sa personne, dont révélation a esté faicte, et aussy pour ce qu'il estoit adverty que aulcuns de nos gents et serviteurs au nom de nous avoient procuré et faict certaines alliances qu’elles luy pooient estre préjudiciables , icelluy nostre frère et cousin a esté constrainct de mectre sus ladicte armée, pour la conduicte de laquelle il a faict et soustenu grands frais, mises et despens, montants à plus de quatre cents mille escus; et avecq ce, pour ce que par le moyen desdictes alliances et sollicitations d’aulcuns nos serviteurs, les Liégeois s'estoient n’a guières mis en armes, en intention d'envahir les pays de nostredictoncle et porter dommaige, icelluy nostredict oncle, pour résister allencontre lesdicts Liégeois, avoit mis sus ladicte grande armée à grands frais et despens ; et d’aultre part, pour ce que nous avons n’a guières rachepté de nostredict oncle les terres estants sur la rivière de Somme, lesquelles, par le traictié d'Arras, luy appartenoient, nonobstant que nostredict frère et cousin, à bonne et juste cause, soy attendant que nous ne les deussions rachepter du vivant de nostredict oncle, qu'icelluy nostre- -dict oncle n’a joy des prouffits desdictes terres sa vie durant, ainsy qu’avoit sa fiance, et que lesdictes terres n’ont pas esté racheptées selon la teneur du traictié dudict Arras; icelluy nostre frère et cousin a esté et est grandement intéressé, disant que des charges, mises, despens, dommaiges et intérêts dessusdicts et aultres quy ont esté déclarés, nous estants raisonnablement tenu de faire récompense convenable : sur lesquelles choses rapport nous a esté faict, et nous avons eu bonne et meure délibération par plusieurs fois avecq aulcuns des seigneurs de nostre sang, des gents de nostre grand conseil et aultres notables hommes de nostre royaulme, sçavoir faisons: Que de nostre certaine science et bonne volonté, désirant rejoindre à nous mondict frère et cousin, de ce que par les grands et bons services, aide et secours qu'il poeult et voeult faire à nous et à la couronne, nostredict royaulme puisse estre gardé et deffendu allencontre de nos anciens ennemis, et paix, union et tranquillité estre

entretenue entre nous, nostredict frère, cousin et aultres seigneurs de nostre sang, et que toutes voyes de faict puissent cesser, et justice puisse estre obéie, gardée et observée en mondict royaulme , et aussy pour considération et rémunération des grandes mises, despens et grands services que mondict oncle nous a faicts et a soustenu pour nous du vivant de nostre feu très chier père, que Dieu absolve ! par devers lequel et en ses pays, pour éviter les dangiers èsquels nous estions vraisemblablement de nostre personne, nous retirasmes, et tant pour l'entretenement de l’estat de nous et de nostre très chière et très amée compagne la royne, que pour plusieurs notables ambassades envoyées devers nostredict seigneur et père et ailleurs, pour nos affaires, touchant nostre estat à venir à la couronne, et d’aultres grands frais et despens faicts par nostredict oncle et nostredict frère et cousin pour nous accompagnier à nostre sacre à Raims, à nostre entrée de Paris, à grand nombre de gents d'armes, pour le doubte qu'avionsde trouver contradiction ennostredict royaulme , de touts lesquels frais, mises et despens nous avons souventes fois promis à nostredict oncle et à nostredict frère et cousin de les rescompenser ; et aussy pour rescompenser icelluy nostredict frère et cousin de la pension de trente-six mille francs que nous luy avions donnée et accordée, et laquelle certain temps avant lesdictes divisions luy a esté empeschiée et rompue; par l'advis et délibération de nostredict frère de Normandie et de nos très chiers et très amés cousins les ducs de Bretaigne, de Calabre, de Bourbon et de Nemours, les comtes du Maisne, de Perche, d'Arminacq, des gents de nostre grand conseil, de nostre parlement et aultres notables hommes de nostre royaulme, avons baillié et transporté, baillons et transportons par ces présentes à nostre frère et cousin le comte de Charrollois, pour considération et rescompense des choses dessusdictes, et aussy pour ce que nostredict frère et cousin s’est libéralement employé envers nostredict frère et aultres seigneurs de nostre sang à l’appaisement desdictes divisions, et pour bien de paix, pour luy et ses hoirs masles et femelles descendants de luy en droicte ligne, à tousjours, les cités, villes et forteresses, terres et seigneuries appartenantes à nous, de et sur la rivière de Somme, d’ung costé et d'aul-

, tte, comme Amiens, Sainct - Quentin, Corbie,

Abbeville, ensemble la comté de Ponthieu deca et delà la rivière de Somme, Dourlens, Sainct- Ricquier, Crèvecœur, Arloeux, Monstreul, le Crotoy, Mortaigne, avecq leurs appartenances et appendances quelconques, et touts aultres qu'y nous peuvent appartenir à cause de nostredicte couronne, despuis ladicte riviere de Somme inclusivement, en tirant du costé d’Artois, de Flandres et de Haynault, tant de nostredict royaulme que de l’empire, lesquelles mondict oncle de Bourgoingne tenoit et possédoit n’a guières au moyen dudict traictié d’Arras, et avant le rachapt et dégagement que nous en avons faict, et y comprendant aussy au regard des villes séants sur ladicte rivière de Somme, de ce costé de nostre royaulme, les banlieues et eschevinages d'icelles, tout ainsy et en la forme et manière que nostredict oncle les tenoit et possédoit, pour en jouir par nostredict frère ct cousin, et sesdicts hoirs, et les hoirs de sesdicts hoirs, masles ou femelles, descendants d'eulx en droicte ligne, desdictes cités, villes, forteresses, terres et scigneuries, en touts prouffits et revenus, tant de demandes comme aides ordinaires pour la guerre, et aussy |tailles et aultres émoluments quelconques, ainsy que faisoit mondict oncle, et sans y retenir aulcune chose, fors les foy, hommaiges, ressorts et souveraineté ; et lequel transport nous avons faict et faisons au rachapt de deux cents mille escus d’or, et de poids, à présent ayant cours; lequel rachapt nous et nos successeurs ne polrons faire de nostredict frère et cousin durant sa vie, mais seulement nous et nos successeurs le polrons faire des hoirs de nostredict frère et cousin descendants de luy en droicte ligne, et des hoirs de ses hoirs aussy descendants d’eulx et d’icelle ligne, quy tiendront icelles terres, parmy leur bailliant et payant à une fois ladicte somme de deux cents mille escus; pour la seureté duquel rachapt nostredict frère et cousin nous bailliera ses lettres-patentes en bonne forme ; et vollons et entendons que nostredict frère et cousin et sesdicts hoirs descendants de luy et quy tiendront sesdictes terres, polront commectre et ordonner pleinement à leur vollonté touts officiers quy seront nécessaires à mectre et instituer au regard du domaine desdictes cités, villes, forteresses, terres et sei gneuries dessusdictes, et que les aultres officiers