CHAP. L

pour en jouir en la forme et manière, et en tels et semblables droicts, et soubs telles et semblables réservations de rachapt, que icelluy nostredict frère et cousin, et sesdicts hoirs descendants de luy en droicte ligne, lesdictes terres transportées tiendront et polront tenir ; et voullons que nostredict frère et cousin et sesdicts hoirs, quant aulxdictes prévostés et leurs appartenances, se puissent aider des lettres que nous luy avons bailliées et octroyées, contenant lesdictes terres, et de tout le contenu en icelles, tout ainsy que sy lesdictes prévostés et leursdictes appartenances estoient nommées et expressément déclarées et spécifiées en nosdictes lettres. Sy mandons et expressément enjoignons à nostre amé et feal Chancelier, et à nos amés et féaulx les gents de nostre grand conseil, les gents tenants nostre parlement, gents de nos comptes, généraulx de nos finances, et à touts nos baillifs, justiciers, officiers et subjects, que de nostre présent don, octroy et adjonction, ils fassent et souffrent joyr et user nostredict frère et cousin paisiblement, sans luy faire ne souffrir estre faict aulcun destourbier ou empeschement au contraire; et que ces nos présentes ils vériffient, publient et fassent enregistrer partout où il appartiendra, nonobstant toutes ordonnances, restrictions et aultres choses faisables au contraire; et aussy mandons et commectons à nos amés et feaulx les commissaires par nous commis et ordonnés, à baillier les possessions desdictes terres à nostredict frère et cousin , et pareillement ils mectent luy ou ses commis en possession desdictes prévostés et l’en fassent joyr, et sans difficulté ou contradiction quelconque ; car tel est nostre plaisir. En tesmoing de ce, nous avons faict mectre nostre scel à ces présentes. Donné à Paris, le treiziesme jour d'octobre, l'an de grasce mil quatre cents soixante-cinq, et de nostre règne le cinquiesme. Signé par le roy, les seigneurs des Landes, du Lau, de Baserles et aulires présents. Signatum PicarrT. Lecta et publicata Parisus in parlamenio, sexdecimo die octobris, anno Domini millesimo quadringentesimo sexagesimo quinto. Vocalus fuit procurator regis, qui publcare prædita non contradixit. Actum in parlamento, die et annis prædiclis. CHEVETEAU. »