CHAPITRE LI
Comment le comte de Charrollois print congié au roy et aulx princes de France, et se partist de Conflans; et comment le rov, à sa requeste, vint veoir toute l'armée du comte, clesunont le duc de Normandie feit hommage au roy de Er urrhé,
Le traictié de la paix faicte entre Loys, roy de France, et les princes de son sang, comme dict est, et par la manière cy-dessus desclarée, le roy et touts les princes s’assemblèrent ensemble au bois de Vincennes, dedans le chasteau ; auquel lieu Charles, seul frère du roy, nouveau duc de Normandie, et pareïllement touts les princes de France quy illecq estoient, feirent au roy les debvoirs qu’ils luy debvoient faire à cause de leurs seigneuries. Et en ce mesme lieu touts les princes prindrent congié au roy, et puis l’ung à l’aultre, pour chascun soy retirer en leurs pays et affaires. Ce dessusdict faict, le comte de Charrollois feit faire reveues et monstres de ses gents, auxquelles reveucs le roy vint pour les veoir ; car clles se feirent entre Paris et Conflans ; et dict-on que le roy dit qu’il n’eust point cuidé que le comte eust tant de gents, ne qu'il eust esté sy puissant, et en feut tout esbahy.
Le comte de Charrollois, après avoir prins congié au roy et aulx princes de France, comme dict est, etencoires despuis, le dernier d’octobre se partist de Conflans; et alla ceste nuict gésir à Villers-le-Bel , quy est entre Paris et Senlis, luy ct toute son armée ; mais ains qu'il se partist de Conflans, le roy vint à Conflans devers luy, pour dire encoires une fois adieu et prendre congié ; et convoya le roy ledict comte jusques à Villers-le-Bel, quelques prières que le
comte luv feist, en disant au roy que il n” appartenoit point à luy de ce faire. Le roy, à bien petite compagnie, convoya le comte jusques audict Villers-le-Bel ; auquel lieu le roy et le comte le lendemain célébrèrent la feste et solemnité du jour de Touts les Saints ; et feurent le roy et le comte audict Villers-le-Bel trois ou quatre jours ensemble, où ils eurent plusieurs secrettes devises ; et monstroit sy grand amour au comte que on ne polroit plus dire; et sembloit que il se partoit de luy enfin en moult grand amour. Le comte print congié du roy, et s’en alla en Senlis, et Je roy retourna à Paris. Le comte feut en la ville de Senlis hon-
norablement reccu, et pareillement à Compiégne, Noyon et ailleurs ès villes du roy, et tout par le commandement du roy ; etn’entroit en nulles bonnes villes que, ains qu’il y entrast, les villes ne feussent les plus fortes ; auxquelles villes les gents du comte payoient tout ce qu'ils prendoient sans y faire nul desroy; Car le comte leur avoit deffendu sur la hart.
