CHAPITRE LI

Comment le comte de Charrollois alla à Maisières-sur-Meuse, el illecq assembla son ost pour entrer au pays de Liége.

Le comte de Charrollois, quy, par plusieurs fois, luy estant à Conflans, avoit receu lettres du duc de Bourgoingne, son père, par lesquelles il luy mandoit que, sy le traictié n’estoit faict entre le roy et les princes de France, qu'il luy envoyast cinq ou six cents combattants pour mener la guerre contre ceulx de Liége, avecq ce qu’il avoit de gents d'armes, contre lesquels Liégeois l'intention du duc estoit de aller ct combattre les Liégeois, et se venger de linjure de ceulx que Dynant luy avoient faict et dict, scachant que plusieurs de ses gents d’armes se estoient partis et retournés en Jeurs maisons, après le traictié faict du roy et des princes, et ainçois 1 qu’il se partist de Conflans, envoya ses lettres par touts les pays de son père, mandant commandement sur la hart, confiscation de corps et de biens, ou d’estre banny de touts les pays de son père : que touts ceulx quy avoient esté avecq luy en France, et touts aultres quy s’cstoient accoustumés d’armer, feussent, le quinziesme jour de novembre, en armes à Maisières-sur-Meuse, pour entrer au pays de Liége. Auquel licu de Maisières le comte alla avecq ce qu'il avoit de gents ; desquels aulcuns passèrent par le pays de Soissonnois, lequel ils mangèrent fort. Le comte arrivé à Maisières, touts ceulx quy estoient retournés, et aultres plusieurs des pays de son père, feurent audict Maisières audict quinziesme jour de novembre. Et y retournoient le plus ? contre leur vollonté, tant pour ce qu’ils estoient marrys d’estre hors, comme pour ce qu’ils avoient esté mal payés; car de douze sepmaines qu’ils avoient esté au service,

1) Avant. (2; La plupart.

ils ne avoient esté payés que dix sepmaines; toutesfois ils ne osoient laissier, car il n’y avoit sy grand sur quy il n’eust frappé de quelque baston qu'il tenist, quand il les trouvoit en desroy ou qu'ils ne faisoient ce qu’il commandoit; et n’eust épargnié de faire mourir, en cas de désobéissance, non plus le grand que le petit.

Le comte assembla audict Maisières plus grande armée beaucoup que il n’avoit eu en France, car les bonnes villes du duc y envoyèrent archiers et arbalestriers; et s’en allèrent plusieurs chevaliers et escuyers de dessus la rivière de Somme , quy de l’année n’y avoient esté, et mesme plusieurs quy paravant avoient esté en l’armée du roy y allèrent.