CHAPITRE LIII

Comment le duc de Normandie feit son entrée à Rouen; et comment tantost après, le roy, à force d'arines, rentra en Normandie ; et se rendit tout le pays à luy, lequelil osta à son frère; et d'aulcuns hérétiques eu nostre foy quy feurent ards en la ville de Lille.

Après que le comte de Charrollois feut party de Conflans, Charles, frère du roy, nouveau duc de Normandie, accompagnié du duc de Bretaigne, du comte de Dunois et aultres seigneurs, print sonchemin pour aller au pays de Normandie, lequelestoit du tout à son obeissance; et alla jusqu'à la Saincte-Catherine , emprès Rouen.

Ceulx de la ville de Rouen pour recepvoir leur nouveau duc feirent de grands apparaulx; et conclurent le duc et ceulx de la ville que le jour Saincte-Catherine, en décembre, le duc entreroit en la ville de Rouen. Auquel jour, comme ceulx de Rouen avoient leurs choses toutes prestes, et estoient prests pour recepvoir leur duc à grand honneur, le duc ne venoit, pour tant, comme on disoit , que le duc de Bretaigne luy donnoit à entendre qu'ils faisoient faire aulcuns habillements pour entrer en pompe en la ville, et luy prioit qu’il attendist qu’ils feuissent faicts. Maison disoit encoires qu'il tendoit a aultre fin; c’estoit de mener le duc de Bretaigne, pour le gouverner, et lepays de Normandie, à son plaisir, et avoir aulcunes villes de la duchié de Normandie qui cstoient