LIVRE V, CHAP. LVI
s ee = + 2e +R + + nmtuee CR : ee
pieurs de chemins ; lesquels, assez tost après, feurent pendus au bois de Mofflaines, assez près d’Arras.
Le dix-neuviesme jour de may aussy, quy est jour Sainct- Yves quy feut advocat en la ville de Lille, cloist son dernier jour, en l'age de quatre-vingt-noeuf ans, maistre Jacques Du Clercq, mon père, licentié en décrets, conseillicr et advocat de monseigneur le duc de Bourgoingne. Icelluy maistre Jacquesse maria en l'an mil quatre cents et noeuf, en la ville de Compiègne, à une josne fille de Pierre de Camelin, nommée Jehanne. Et estoit lors au duc d’Orléans ; et despuis feut au duc Jehan de Bourgoingne, et despuis au duc Philippes de Bourgoingne, tant qu’il vesquit, conseillier et advocat en la chastellerie de Lille, Douay et Orchies. De laquelle sa première femme il olt sept enfants, desquels les deulx premiers moururent josnes. Les aultres cinq feurent nommés : le premier Sohier, lequel feut despuis licentié en décrets et en lois, et chanoine d'Arras, et escolastre de Cassel ; la deuxiesme olt nom Marie, ct feut mariée à ung bourgeois de Douay. nommé Ricart Botin, laquelle ne feut que deulx ans marriée et en eut ung filsquy mourut; le tiers feusje, nommé Jacques Du Clercq, quy me marriay en la ville de Lille à une josne fille nommée Jehanne, fille d'ung escuyer nommé Balduin de Laberie, de laquelle je n’eus nuls enfants; la quarte olt nom Floure, et feut religieuse de l’abbaye d’'Esteim, emprès Arras; la cinquiesme eut nom Jehanne, laquelle feut marriée à ung nommé Guillebert de Brenay, recepveur de messire Englebertd’Engien, demourant à Tourpay, duquel elle demoura vefve l'an mil quatre cents soixante - cinq, quy, comme cy - dessus est dict, feut meurdry en la ville de Tournay, et en demoura cinq filles; puis elle se remaria à ung gentilhomme nommé Pierre de la Bourre, de laquelle il olt ung fils nommé Josse. Icelluy maistre Jacques feut vefve en l'an mil quatre cents trente-quatre, le septiesme jour de mars; et despuis se remaria en l'an mil quatre cents trente-neuf, à une femme vefve d’ung bourgeois de Lille, nommé Esteve Hangouart, laquelle feut fille de Roppin, seigneur de Houpplines, ung gentilhomme en la chastellerie de Lille, de laquelle il eut ung fils quy mourut josne. Ledict maistre Jacques, tant qu'il ves-
‘ quit, ne diminua en riens de son sens vers D'cu
pe vers le monde, et eut la plus belle fin que chrestien peult avoir ; car jusques à rendre l’esprit parla latin et francois, et en soy recommandant à Dieu se partit du monde, et faillit comme une chandelle. Icelluy maistre Jacques Du Clercq estoit natif de Douay, fils légitime de Thomas Du Clereq et de Emmelot Barre, fille de Jehan Barre, bourgeois de Douay ; ledict Thomas servit en ses josnes ans le comte Loys de Flandres, et alla en armes avec ledict Loys, quy encoires n’estoit comte de Flandres, au pays des Romains, en l’aide du pape; etrevint avecq ledict comme Loys, quy, à son retour, luy donna deux cents escus de gages sur la ville de Douay, qu’il receut toute sa vie. Lequel Thomas mourut l’an mil quatre cents et sept, et feut fils légitime de Pierre, et se maria à Douay à la fille d’ung escuyer de Douay nommé Jehan de Fierin, nommé Rogue. Et plus avant, dont ledict maistre Jacques descendit, je ne scay. Sa première femme, comme dict ay dessus, feut fille d'ung escuyer nommé Pierre de Camelin, légitime ; lequel Pierre feut fils légitime de Philippes de Camelin, lequel Philippes feut fils légitime de Philippes de Camelin ; lequel Philippes feut fils légitime d'ung nommé Jehan de Camelin, lequel feut serviviteur en son temps du comte de Ponthieu et feut son maistre-d'hostel et son séneschal de Ponthieu. De la génération de ladicte Jehanne de Camelin plus je ne sçay. Ladicte Jehanne olt une sœur légitime, nommée Isabelle, laquelle a espousé Raoul Pouillet, ung gentilhomme de Compiègne, duquel elle eut ung fils nommé Jehan Pouillet, lequel se maria à une gentille femme, niepce de Jacques de Vaucelles, dont il eut plusieurs enfants. Ladicte Jehanne et Isabelle feurent filles de la fille Collart de Boucher, nommée Marie, ung très riche bourgeois de Compiègne, quy eut plusieurs filles, toutes richement mariées.
Se j'ay mis ceste généalogie, il me soit pardonné; je l’ay faict pour ce queje veulx bien que chascun sache de quelles gentsmoy, aucteur de ce livre, suis extraict et descendu, en me semblant, puis que je mectoye les choses dont je avois mémoire par escript, je debvois mectre par escript dont je descendois, affin que s’aulcun de mon sang lit cy-après ce présent livre, puisse scavoir dont il descend.
L'an mil quatre cents soixante-six, despuis
| Pasques jusqu’à la my-aoust, se marièrent
tant de josnes gents de bonues villes et des villaiges, au moins en la Comté d’Artois etau pays de Picardie, que les anciens disoient qu’ils n’avoient point de mémoire qu'ils euissent veu, en sy peu de temps, faire tant de mariages, ne à leurs prédecesseurs ne le avoient ouï dire. Audict an soixante-six, le dernier jour de juing, au mont Sainct-Eloy, en ung villaige à deulx lieues d'Arras, en la maison d’ung mareschal, par une maulvaise cheminée, se print le feu à la maison, laquelle feut ardse avecq encoires sept aultres maisons en ledict villaige; puis saillit le feu dedans l’enclos de l’abbaye dudict mont Sainct-Eloy, où feut ards le vieil moustier; et les orgues, quy estoient dedans la neuve église, de la chaleur se fondirent.
