CHAPITRE LVIL
Comment ceulx du pays de Liége, et par cspécial ceulx de la ville de Dynant, rompirent la paix par eux faicte au duc de Bourgoingue, et recommencèrent la guerre; et aultres
clioses.
Environ ce temps, ceulx du pays de Liége, et par espécial ceulx de la ville de Dynant, en continuantsenleursfolies, noneulx maintenants comme ils debvoient et entretenants la paix faicte, à leur prière, au duc de Bourgoingne, laissèrent entrer en la ville de Dynant plusieurs bannis du pays de Liège et aultres quy ne demandoicnt que la guerre, lesquels commencèrent du tout à mal faire. Et issirent de la ville de Dynant, et allèrent piller plusieurs villaiges, tant au pays de Brabant, Namur, comme aultres pays du duc de Bourgoingne, en violant églises et bouttant les feus en plusieurs lieulx. Le duc, de ce adverty, manda à touts ses gents d'armes qu'ils feuissent au pays de Namur le vingt-huictiesme jour de juillet; et feit le plus grand mandement et espécial qu'il peust. Et comme, la premitre sepmaine de juillet, le duc estant assis à table pour disner, au commencement de son disner ne feut pas servy de tels mets comme il avoit accoustumé, sy manda ceulx quy avoient la charge de sa despense, et leur demanda se on le voulloit tenir en tutelle, et pourquoy on ne le avoit servy comme il avoit accoustumé. Auquel ils respondirent : qu'ils ne le avoient faict, fors pour ce que leg médecins le avoient deffendu. Le
duc en ce courroux, demanda aulx aulcuns seigneurs d’entour luy sy ses gens d'armes se mectoient fort sus en ses pays. Auquel on respondit que l'apparence estoit petite, et que les nobles et gents de guerre avoient l’année passée esté si mal payés que chaseun reculoit et doubtoit les frais, et que, quy voulloit avoir les compagnons de guerre, il falloit que les hommes d'armes et capitaines les remontassent et habilliassent de touts poincts, parce qu’ils estoient la pluspart devenus povres, et leurs habillements usés et desrompus. Ce oyant le duc, par grande ire dit : qu’il ne avoit point tenu à luy, et qu’il en avoit tiré de son thrésor deulx cents mille couronnes d’or: et tellement se troubla qu’il trébuscha la table et tout ce quy estoit dessus à terre, disant : « Qu’esse-cy ? ja- “ mais ne croiray personne à payer mes gents « d'armes, queje ne lesfasse payer moy-mesme; « suis-je donc mis en oubly?» Et en ce disant, par ire et par courroux feut féru d'une maladie appelée apploplisie 4, et eut la bouche comme torse; et feut en tel dangier que on cuida par deux ou trois fois qu’il deubst mourir ; et ne scavoit-on que en faire. Toutesfois, au bout de trois ou quatre jours il feut tout refaict, et revint en santé, et rescripvit par touts scs pays que chaseun feust prest, sur la hart. À vérité dire, les gents d'armes, l'année passée, avoient esté mal payés, et ne avoient receu que le tiers de ce qu’ils avoient servy ; et avecq ce, le comte de Charrollois les avoit durement traictiés, en les battant et menaçant de faire morir prestement, dès qu'ils ne faisoient à sa vollonté. Et pour peu de chose, comme on disoit, le comte tua ung archier, pour ce qu'il ne se tenoit pas bien en ordonnance, et sy n’estoient pas debvant leurs ennemis. Pour telles choses et moindres plusieurs en blessa et navra; et mesme férit plusieurs nobles hommes et hommes d'armes; et n’y avoit sy grand homme ne archier quy ne le cremissent ; et n’y avoit point tant d'amour que de crémeur.
Environ cetemps le comte de Charrollois estant à Péronne, la gabelle de sel, laquelle il avoit mis jus à l’aller en son voyage de France, l’année devant, à Péronne, Mont-DidieretRoye, et promis de le non jamais faire cueillir, il remist sus; et mesme feit recueillir les arréraiges d’ung an, que ladicte gabelle ne avoit point (1) Apoplexie.
