LIVRE V, CHAP. LVII
couru; laquelle chose feit perdre au peuple espérance qu’ils avoient en luy; et par espécial il feut du tout mal de ceulx desdictes terres où la gabelle couroit et par touts les pays racheptés.
Audict an soixante-six, lequinziesme jour de juillet , le seigneur de Rollepot, chevallier, en l'age de soixante ans ou plus, comme il estoit allé en ung villaige nommé Frevent, emprès Lucheu, où il estoit la feste, ung compagnon, luy sixiesme des compagnons de guerre, print parolles aux gents dudict chevallier ; et commencèrent à frapper l’ung sur l'aulire. Ce voyant, ledict chevallier se frappa au mouillout et tua de sa propre main icelluy quy avoit esmeu la noise; et, que luy que ses gents, quy estoient douze ou quatorze, en navrèrent encoires des aultres.
Audict an, le dernier jour de juing, ung nommé Paudechon Boucquet, dict Buffardin, natif de Gouy en Artois, lequel, pauvre enfant et de petites gents, en son enfance servit messire Baude de Noyelle, chevallier, seigneur de Noyelle et dudict Gouy, portant l’ordre du duc de Bourgoingne et gouverneur de Péronne, tellement qu’il le feist son recepveur, et puis le maria en la ville de Péronne à une josne fille de la ville de Péronne, très riche, quy ne avoit que onze où douze ans quand il la print, et feut recepveur de Péronne, et estoit à ce jour très riche, agié de quarante ans ou environ, icelluy Buffardin, revenant le jour de devant d’une nopce de Noyon, et sa femme avecq luy, envoya sa femme par deulx de ses frères, couchier à l’hostel d’ung sien cousin germain , assez près de Péronne, à quatre ou cinq traicts d’areq ; et le lendemain, dernier jour de juing, remply de l’ennemy d'enfer, envoya ung sien frère dire à sa femme qu’elle revenist à Péronne ; laquelle se partist de l’hostel de sondict cousin, elle et deulx des frères dudict Buffardin et ung prestre ; et comme elle approcha Péronne, debvant une abbaye nommée Biach, les frères dudict Buffardin luy dirent : « Lisse, «“ confesse-toy, il te fault mourir; et se tune te “ abréges, tu mourras sans confession.» Laquelle priant mercy, et voyant que mercy ne valloit riens, parla au prestre en confesse; puis luy frappèrent trois coups de dague en sa poictrine, et luy fendirent la teste, et ainsy la meurdri-
(1) Mitieu.
rent. Elle estoit encainte, comme on disoit; puis la jetterent en ung puits, assez près d’illecq, que nul ne s’en perceut ; et s’en allèrent à Péronne, et menacèrent le prestre de mort s’il en disoit riens. Ce meurdre feut celé seize jours; car il faisoit courir la voix que elle s’en estoit allé avecq quelque homme par le pays, en adultère; ce que on créoit assez, parce qu'elle avoit eu renommée, et encoires avoit, de se mal porter de son corps avecq luy; et combien que son mary le sceut bien, passé dix ou douze ans, sy ne luy en feit oncques mal; ains [uy monstroit grand amour jusqu’à cestuy jour. Or, advint-il, ainsy que Dieu le veut, et que tel meurdre ne se peut céler, que auleuns bergers regardèrent au puits où ceste femme estoit ; sy veirent quelque personne; et allèrent dire à la justice de Péronne, laqueile y vint; et feut la femme tirée hors, et cognut-on que c'estoit la femine dudict Puffardin. Et tantost ledict Buffardin de ce adverty, luy et ses frères s’enffuirent hors du pays. Et combien que audict meurdre faire je ne dis pas que ledict Buffardin y feut, toutesfois les plusieurs disoient que ledict Buffardin y avoit esté et qu'il lay avoit donné trois coups de dague en l'appelant fausse ribaude ; laquelle respondit : que ce qu'elle avoit faict il en estoit cause. Icelluy Buffardin n’estoit pas aimé au pays, parce qu'il avoit esté cause de remectre sus la gabelle du sel, et le avoit mis à prix et donné grands deniers, affin qu’elle recourust.
Assez tost après il feut prins en la ville de Noyon, et feut en grand dangier d'estre exécuté; mais il feut requis comme clercq; et despuis, par force d’amis et de grands seigneurs à quy il avoit faict plaisir, et par espécial du seigneur de Crèvecæur, il eut sa rémission et feut aultant honnoré que dessus, et olt ses offices etencoires aultres. Icelluy Buffardin avoit plusieurs enfants de sa femme.
