LIVRE V, CHAP. LXIIL
paignon nommé Jehan, de la ville d'Arras; lequel, après que ledict Guillaulme euist faict sa vollonté d’elle, en fcit autant que ledict Guillaulme ; et contre son gré et vollonté la viola, et print sa compaignie ; et après qu'ils eurent ce faict, tollit à ladicte femme l'argent de sa bourse. Icelluy Guillaulme estoit renommé d’estre de malle vie, et par espécial avoit esté plusieurs fois reprins de larcin et d’aultres choses, et pareillement estoit son compaignon; ils feurent touts deulx prins prisonniers et requis de leur couronne comme clercqs, et feut ledict Jehan rendu à son ordinaire; mais ceulx de la ville d'Arras ne vollurent rendre ledict Guillaulme, mais différèrent tant qu’ils eurent envoyé devers le comte de Charrollois son information : laquelle veue, le comte de Charrollois prestementenvoya son prévost des mareschaulx à Arras, auquel il commanda qu’il feist aultre information d’icelluy Guillaulme, et s’il trouvoit que l'information qu’on luy avoit envoyée feust vraie, que prestement le feist pendre, commele feit. Et trouva ladicte information vraie, et encoires plus, par quoy ilaccomplist la vollonté du comte en faisant justice comme dict est, et s’il euist peu avoir l’aultre son compaignon, duquel il feit bonne diligence , mais il ne le peult ravoir, il en eust faict pareillement que dudict Guillaume.
Le deuxiesme jour de juillet ensuivant audict an , en la ville d'Arras, ung compaignon nommé Hotin, lequel avoit esté prins à Cantimpré, près Cambray, quy est du bailliage d'Arras, et amené en ladicte ville, de l'age de vingt-huict ans ou environ, pour plusieurs larcins, lesquels touts ensemble ne montoient pas plus de dix francs, par les hommes de la Cour-le- Comte, feut condamné à estre pendu et estranglé, comme it le feut, et feut pendu au birelin. Icelluy Hotin, comme on disoit, estoit polvre de sens et comme innocent; et luy faillit le cœur sur l’eschelle ; et estoit de sy petit courage qu'il le faillust lyer par le corps et le tirer amont! de l’eschelle. |
L'an mil quatre cents soixante-cinq, les vins feurent sy verds partout que pour ceste année on n’en povoit boire; et en but-on bien peu, car ils avoient esté l’année devant bons et à grande abbondance.
Bleds feurent ceste année en la comté d’Ar-
(1) En haut.
lois, Santers, Picardie et ailleurs, presque touts enniélés, mais il en feut assez ; et ne feurent point pour ce les viels trop chiers, parce qu’il en estoit tant de viels; et ne vallut la charge d'ung cheval que seize ou dix-huict sols, monnoye d'Artois.
L'an soixante-six ensuivant, bleds feurent encoires enniélés, mais pour ce ne feurent plus chiers que ladicte année paravant; et sy feurent vins très bons, et sy en feut plenté!, pourquoy feurent à bon marchié.
L’an soixante-sept ensuivant, il feut planté de bleds, bons et de bonne garde.
En ce temps, les dames et damoiselles ne portoient plus nulles queux à leurs robes, mais elles portoient bordures de gris et letisses de velours et aultres choses, de la largeur d’ung velours de hault; et sy portoient sur leurs chiefs bourlets à manière de bonnets ronds et en allant amenusant par-dessus, de la hauteur de demy-aulne ou trois quartiers de loing, aulcunes moins, aultres plus, et desliés couvrechiefs par-dessus, pendants par-derrière jusques en terre, et caintures de soie de la largeur de quatre ou cinq poulx; les tissus et les ferrures larges et dorés, pesants cinq, six, huict onces d'argent, et larges colliers d’or en leurs cols de plusieurs façons.
En ce temps aussy les hommes se vestoient sy court que leurs chausses alloient près jusques à la facon de leurs fesses, et par devant tout ce où leur humanité estoit ; et faisoient fendre les manches de leurs robes et de leurs pourpoincts, que on véoit leursbras, parmy une déliée chemise qu'ils portoient, dont la manche de la chemise estoit large; et sy portoient longs cheveulx quy leur venoient par devant jusques aulx yeulx, et par derrière jusques au fond du hatrel?; et dessus leurs testes bonnets de drap de ung quartier ou quartier et demy de hauteur; et les nobles et les riches grosses chaisnes d’or au col et pourpoincts de velours ou draps de soie, et longues pouillainess à leurs solliers, de ung quartier ou quartier et demy de long, et à leurs robes gros mahoitres 4 sur leurs espaules, pour les faire apparoitre plus furnis et plus croissés, et pareillement à leurs pourpoincts, lesquels on fournissoit fort de bourre; et s’ils n’estoient ainsy habilliés, sy s’habilloient-ils tout long jusques en terre de
(1) Abondance. (2) Cou. (3) Pointes. (4) Bourrelets.
robbes, et s’habilloient puis long, puis court ; et n’y avoit sy petit compagnon de mestier quy n’eust une longue robbe de drap jusques aux tallons.
