CHAPITRE LXIV ET DERNIER
De la mort et trespas de Philippes, duc de Bourgoingne, et de son enterrement. Fin et dernier chapitre de ce présent livre.
Le douziesme jour de juing, en l’an de l’incarnation de nostre Seigneur Jésus-Christ mil quatre cents soixante-sept, par ung venderdy au soir, en la ville de Bruges, print à Philippes, duc de Bourgoingne, une maladie, laquelle lu y print par vomir; de laquelle le lundy ensuivant, quinziesme jour dudict mois, entre neuf et dix heures du vespres, il mourut et cloist son dernier jour. Le dimanche avant sa mort on alla hastivement dire au comte de Charrollois, lequel estoit à Gand, comment son père estoit griefvement malade, lequel comte, la nouvelle oye, prestement monta à cheval et se partist de Gand et alla à Bruges. Et sembloit, partout où il passoit, qu’il deuist faire fendre des pieds de son cheval les quarreaulx, tant hastivement chevaulchoit ; et n’y en eui que quatre ou cinq chevalliers quy le peurent suivir. Il arriva le lundy environ midy à Bruges et descendit à l’hostel de son père, devers lequel prestement il alla, lequel son père avoit ja perdu la parolle. Le comte se jetta devant son père à genoulx, tenrement plourant, luy requérant sa bénédiction, et que s’aucune chose luy avoit mesfait qu’il luy pardonnast. Au plus près du duc estoit son confesseur, évesque, lequel l'admonesta ct pria moult que, s’il avoit encoires entendement, qu’il le monstrast, et que au moins s’il ne pooit parler qu’il feist aucuns signes. À laquelle admonestation, vœulx et prières de son fils, il retourna ses yeulx sur sondict fils et regarda, et lui estreinditi la main, laquelle il avoit mis sur la sienne, et aultre signe ne luy peut faire ne feit. Le comte son fils feut toujours emprès luy tant qu'il rendit l’ame et qu’il feut expiré.
Le duc mort et expiré, son corps feut laissé sur son lict toute ceste nuict, ung noir bonnet sur son chief; et en sa chambre et le lendemain jusques au soir, chascun quy voulloit le venoit
(1) Serra. :
veoir, où il y eut moult grand peuple. Le lendemain, jour de mardy, sur le soir, feut son corps ouvert et embausmé, et son cœur, son corps et ses entrailles mis en trois vaisseaulx de plomb, et ceste nuict portés en sa chapelle sur une bierre de six pieds de hault ou environ, couverte de noir velours jusques en terre, et dessus une croix de drap de damas blanc, et aulx quatre costés de la bierre quatre grands cierges ardents; et là feurent célébrées messes à deulx autels sans cesser jusques à nonne. Et le dimanche ensuivant, environ quatre heures après midy, feut le corps porté enterrer dedans l’église de Sainct-Donat, à Bruges, jusques à tant que on auroit pourveu à ce qu'il falloit pour le porter ès lieulx qu’il avoit ordonné. Auquel corps porter en terre alloient devant seize cents hommes touts vestus de noir, armoyés des armes du duc, portants chascun une torse ardante en leurs mains, dont les quatre cents estoient de l’hostel et aulx despens du duc, quatre cents de par la ville de Bruges, quatre cents de par les mestiers de Bruges, et quatre cents de par le pays du Franc, et touts aux despens de la ville, des mestiers et du pays du Franc, autant de l’ung comme de l’aultre; et au moilou? desdictes torses alloient bien neuf cents hommes, tant nobles comme archiers, l'abbé de Bruges et du Franc avec vingt-ung preslats, desquels estoient lévesque d'Ybernie? quy dit le lendemain la première messe, ung évesque d’Angleterre, l’évesque de Cambray, lévesque de Tournay quy dit le lendemain la messe et feit un bref sermon, et puis feit la bénédiction sur le corps, et l’évesque d'Amiens quy dit la seconde messe; les aultres cstoient abbés de Flandres et d’ailleurs. Entre les prélats et le corps y avoit quatre rois d'armes embrungnés5, vestus de cottes d'armes, c’est à sçavoir les rois de Brabant, de Flandres, d'Artois et de Hainault, avecq le mareschal de Brabant, nommé Charrollois. Le corps portoient les seigneurs de Joingny, Crequy, Grandehue, Commines, Bossu, Vevres, Breda, le bastard de Brabant, Philippes, fils du bastard de Bourgoingne, Philippes de Bourbon, et le marquis de Ferrare, et les archiers du duc estoient allenviron d’eulx. Sur le corps avoit ung drap d’or de ve-
(1) Mäicu. (2) Irlande. (3) En deuil,
