LIVRE V, CHAP. LXIV
lours noir, jusques en terre, à une croix de damas blanc; et dessus le corps, bien hault, portoient sur quatre lances le comte de Nasso,
| le comte de Roucant!, Baulduin, bastard de
Bourgoingne, et le seigneur de Challon, ung palle de draps d’or; et devant le corps portoit Meliador, premier escuyer d’escurie, lespée le poing dessous. Et feirent le deuil deulx de ses nepveulx; c’est à scavoir : Jacques de Bourbon, Adolf de Clefves et le comte de Marle, le seigneur de Roussy, Jacques de Sainct-Pol, et moult aultres nobles chevalliers en grand nombre, devant lesquels alloient les quatre ordres mendiants avecq toutes les paroisses de Bruges. Et feurent celluy jour, par toutes les paroisses de Bruges, dictes vigilles pour le duc, et lendemain messe. En cest estat, et comme
j'ay desclaré, feut porté le corps en ladicte
église de Sainct-Donat, laquelle estoit préparée ; c’est à scavoir : le chœur cstoit tendu de noir damas, et par-dessus de velours y avoit grand nombre d'armoiries contenants le blason du duc en l'ordre de la Toison. Au dextre du grand autel estoit l'oratoire de Charles, son fils, nouvel duc, tendue de satin, et près d’icelle ung sarcus? couvert, de cœur et de corps. Le travail estoit faict en forme d'une croisice, tendue de noir damas, armoyée, où estoient quatre grandes bannières desdictes armes sur la bierre; et dedans avoit ung drap d’or bordé de damas à une croix de blanc velours, avecq quatre grands cirons5 ardants, et aultres petits, en nombre de quatorze cents ou plus, touts ardants; et faillit touer les verrières pour la chaleur. L’autel du chœur et ce de dessous estoit tout tendu de velours noir, et par dedans et par dehors d’ung velours pendant en bas, armové des armes du duc, et sy avoit ung pénon tacheté d’armes, etune grande bannière du duc; et Ja nef de l'église estoit tendue de drap noir et par desseure de camelot noir. Quand vint à mectre le corps en terre, n’est homme quy sceut dire la grande pitié des pleurs des officiers et aultres illecq présents; à vérité dire, chascun pooit et debvoit plourer quy estoit subject au duc, car ils perdoient ce jour ung prince le plus renommé quy feust sur Ja terre des chrestiens, plein de largesse, plein d'honneur, plein de hardiesse et valliance, et
(4) Buchan.
(2) Cercueil. (3) Cicrges.
brief, remply de moult nobles vertus, lequel avoit touts ses pays gardé en paix, à la poincte de l’espée, envers touts et contre touts, sans en rien espargner son corps, ains le avoit toujours mis devant, pour deffendreses subjects et garder ses pays. Touts nobles hommes quy venoient àaluy à saulfveté, euissent esté sesennemis ou non, recepvoit-il humblement, et les retenoit de sa cour et leur faisoit ce qu’il pooit de bien. Après que le corps feut avallé en la fosse, les officiers domestiques, comme il est accoustumé de faire, jettèrent en la fosse chascun ung blanc baston, desquels ceulx quy faisoient à relever feurent relevés. Lesdicts cœur et corps
À [67] feurent mis en ung plat sarcus, chascun par soy, couvert d’une bierre de marbre, de la haulteur de cinq pieds de large et de sept de haulteur, de longueur de nœuf à dix pieds. Et le lendemain feut faict le service, où feut le comte de Charollois nouvel duc, accompaignié, comme dict est, sans l'office des armes. Auquel faire chanta la messe l’évesque de Tournay, lequel y feit ung très notable sermon, auquel recommanda l’ame du duc ès prières des présents et de tout son peuple; laquelle Dieu par sa grasce veuille mectre en sa gloire, à repos avec les bons et loyaulx chrestiens!
Amen.
