POUR L'ÉPITAPHE

S'ensuit les vers mis par cscript aulour du tombeau de Philippes, grand duc de Bourgoingne.

Jehan feut né de Philippes qui du roy Jeban feut fils Et de Jean, Je-Philippes que mort tient en ses fils. Mou père me laissa Bourgoingne, Flandre, Artois ; Succéder y debvoy par toutes bonnes loix.

J'ay creu ma seigneurie de Brabant, de Lembourg, Namur, Hcnault, Zelande, Hollande, Luxembourg, Contraires, m'ont esté Allemans et Liégois ; Deboutté les en ay par armes et par droix.

D'un mesme temps Anglois, François me desfièrent, Et l'empereur aussy ; rien du mien n'y gaignèrent, Mais par Charles sixiesme j'eus guerre en grand desroy. 11 me requist de paix, dont il demeura roy.

Sept bastailles soustins desquelles j'ay eu victoire, Oncque n'en perdis nullc; à Dieu en soit la gloire! Contre moy sc sont mis et Flamans et Liégois,

Mais je les ay remis et vaincus plusieurs fois.

Per Barrois et Lorrains René guerre me meul,

De Cecille estoit roy, mais mon prisonnier feut. Loys, le fils de Charles, fugitif et marry, Fcut par moy couronné quand cinq aus l'eus nourrvy. Edouard, duc d'Iorc de çà vint en ma terre.

Par mon nom et faveur il feut roy d'Angleterre. Pour deffendre l'Eglise qui est de Dieu maison, Ay mis sus la noble ordre que l'on dit la Toison; Et, pour la foy chrestienne maintenir en vigueur J'envoiay mes gallères jusqu'à la mer majeur. En mes vieux jours avoy conclud et entrepris Y aller en personne, se mort n€ m'eust surpris. Le concille par hayne pappe Eugène peina.

Telle faveur luy feis que pappe il demours.

En l'an soixante ct sept avec quatorze cens Payay droit de nature à soixante et onze ans. Avecq mon père et ave je suis icy renclus, Ainsy qu'en mon vivant fe m'y estoy conclud.

Le bon Jesus fut guide de touts mes faicts et dicts. Priez-luy qu'à l'issue il me doint paradis.

Amen.}