CHAPITRE I

quantes fois qu'il lui plairoit, en suppliant au roy très humblement qu’il lui pleusisti oster de lui son yre et indignacion , et le tenir en sa bonne grace. Ces parolles dictes, fut dict au duc de Bourgongne qu'il se tirast ung peu arrière ; puis après la royne, le duc de Guyenne, son fils, les roys de Secille et de Navarre, et le duc de Berry, se engenouillèrent devant le roy, et lui suppliérent- et requirent qu’il luy pleusist pardonner au duc de Bourgongne l'offense qu'il avoit faict. Laquelle requeste fust par le roy accordée ; et fist-on venir le duc de Bourgongne devant le roy ; et dist le roy au due de Bourgongne : « Beau cousin, à la re- « queste de ceulx que vous véez chy présents, « je vous pardonne tout. »

Le duc de Bourgongne remerchia ke roi très bumblement ; et, ce faict, s’approcha des enfants d'Orléans, et leur fist dire par le seigneur d’Olehain, qu’il leur dist : « Messeigneurs, ve- « chy le duc de Bourgongne, lequel vous prye “et requiert qu'il vous plaise oster de vos “ Cœurs, Si vous avez aulcunes malveuillances «ou hayne contre luy pour le faict quy fut “ perpétrés en la personne du duc d’Orléans « vostre père, et dores-en-avant vous demourez « et soyez bons amis enssamble. » Adonc, dict le duc de Bourgongne : «Je vous en prye. »

Mais les enfants d'Orléans ne répondirent mot. Ce véant, le roy leur commanda qu'ils accordassent la requeste à son beau cousin de Bourgongne , et ils respondirent au roy : « Puisqu'il « vous plaist le commander, nous accordons la “ requeste, et pardonnons toute la malincolie # « que avions contre luy, car en riens ne vous « voullons désobéir.» Et lors, incontinent, le cardinal de Bar ouvrit ung missel, et, en touchant leurs mains sur les évangilles, promirent de tenir bonne paix et entière l’un envers l’aultre, sans Jamais aller au contraire. Puis commanda le roy à touttes les partyes d’estre bons amis ensamble ; et, avec ce, leur fist deffense qu’ils ne feissent ni pourchaçassent grief ni dommage l’ung à l’aultre, ni à leurs serviteurs, subgects et amis et alliés. Icelle paix faicte, dont plusieurs furent moult joyeulx , chaeun s’en alla en son pays, et le roy et la royne retournèrent à Paris, dont tout le peuple fut joyeulx.

(3) Commis.

(1) Plût, (2) Courroux. (4) Chagrin.