CHAPITRE II

Du concille quyfse nt à Pise, où furent comdempnés deulz antipappes, et en leur lieu esleu pappe Alexandre, V° de

‘ce nom, quy estoit auparavant archevesque de Milan, nommé Pierre de Caudye.

En l’an 1409 se tint un concille à Pise, où furent assemblés grand nombre de prélats pour la division qui estoit en l'Eglise entre les deux pappes ; et là y avoit vingt-quatre cardinaulx, tant de ceulx du collège de Rome que ceulx du pappe de la Lune. Grand nombre de prélats de toute chrétienté y estoient assemblés. Aussi yestoient plusieurs ambassadeurs, tant de l'empereur comme des roys et princes de toute chrestienté. L’avant dit cardinal de Bar, Guy de Roye, archevesque de Rains, et maistre Pierre d’Alli, évesque de Cambray, se mirent à chemin ensamble, fort accompaigniés de prélats et clergié, pour aller au concille dont devant est dict.