CHAPITRE III

La fortune adverse qui advint à l’archevesque de Raïins en allant au concille de Pise.

Ung jour furent logiés en une ville nommée Voultre®, estant à quatre lieues de Jennesÿ; advint que le mareschal de l’archevesque de Rains print noise à ung mareschal de la ville ; et tellement monta leur débat, que le mareschal de la ville fut occhis par l’autre mareschal, lequel s’en courut pour saulveté à l’hostel de son maistre; mais ceulx de la ville, esmeus pour ce débat, coururent en grand nombre en l’hostel de l’archevesque, pour vengier la mort de leur mareschal. L’archevesque, pour les rappaisier, yssy hors de son hostel, et leur pria doulcement qu'ils voulsissent cesser et appaisier, et il baïlleroit son mareschal au juge de la ville pour faire justice. En offrant ceste offre, aulcun maulvais garnement de celle esmeute gecta ung dard contre l’archevesque, et l’attaint sy durement qu'il chéit mort à terre ; et sy occirent le mareschal, et le juge qui le tenoit. Le cardinal de Bar et les aultres convint partir hastivement, pour la doubte du peuple qui esmeu estoit; et s’en allèrent au concille de Pise, où furent les deulx pappes

(1) La Luna, espagnol. (2 voltri. (3) Gênes.

MÉMOIRES DE SAINT-REMY

condempnés comme hérétiques sissematicques", obstinés en mal et troubleurs de la paix de nostre saincte Eglise.

Après icelle condempnation faicte devant tout le peuple présent, tout le clergié se mirent en conclave, appelant la grace du Sainct-Esperit; et furent dix jours ensemble, et eslurent pappe cnonicque, nommé Pierre de Candie, natif de Gresse®, de l’ordre des Frères-Mineurs, docteur en théologie, archevesque de Milan ; et fat nommé Alexandre, Ve de ce nom, et fut faict le 16e de juing.