LIVRE 1, CHAP. XXW

dedans de quatre-vingts à cent Anglois ; lesquelles s’en allèrent , leurs corps et leurs biens saulfs, à Chierbourg.

Assez tost après la prinse de Vires, les comtes de Clermont , de Chastres, et aultres de leur compagnie, quy avoient tenu le siège devant Vires, allèrent mectre le siége devant Bayeulx; et se logèrent ès faulxbourgs du costeldevers Carentan, les comtes de Dunois, lieutenant général du roy de France, de Nevers, d'Eu, les seigneurs de Cullant, grand-maistre-d’hostel du roy, et de Jalloingnes, son frère , d’Orval, de Bueil, et plusieurs aultres chevaliers et escuyers; etde l’aultre costel, ès faulxbourgs des cordeliers, se logèrent le seigneur de Montenay, conduiseur des gents du duc d’Allencon, Pierre de Louvain, Robert Conungam!, et grand nombre de francs archiers. Le siége clos de touts costés, les Francois battirent fort la ville de canons, bombardes et aultres engins, par l'espace de seize jours continuellement; et tellement l’oppressèrent de mines et trenchis qu’elle estoit preste à assaillir. Mais le roy de France avoit pitié de La destruction de la cité, et nele vouloit'consentir; néantmoins, sans leur congié,ne sceu, et sans aulcune ordonnance, d’ardeur que les gents de guerre avoient de gaigner, ils assaillirent la cité deulx fois en mesme jour ; et il y eut de belles armes faictes d’ung costel et d’aultre; ets’y portèrent de touts costés très vaillamment ; et en y eut des morts des deulx lez, tant des traicts, comme des couleuvrines ; mais en la fin les François se retraièrent sans rien faire, pour tant qu’ils ne l’assaillirent que d’ung costel, et sans ordonnance de leur capitaine ; et feut leur faulte, car s’ils l’eussent assaillie par l’ordonnance des capitaines et de deulx costels, sans faulte nulle elle eust esté prinse d’assault. D'icelluy assault feut fort espouvanté le seigneur de Matha-Go, car il y eust tué de vaillants gents anglois. Et à ceste cause parlementa icelluy Matha-Go avecques le comte de Dunoisetaultres seigneurs françois, et rendit la cité aulx François ; et s’en alla à Chierbourg, luv, Jannequin Bacquier, et touts les aultres Anglois quy soubs eulx estoient, ung bastion en leur poing seulement, lesquels estoient nombrés à neuf cents Anglois des plus vaillants gents de guerre quy fuissent en Normandie de leur party ; et issirent de la cité

(1) Cunningham.

par la porte du chastel. Les Francois leur laissèrent à aulcuns, poar l'honneur de la gentillesse, une partie de leurs chevaulx, pour porter les damoiselles et aultres gentilles femmes; “et avecques ce leur feirent délibvrer des char- -rettes pour porter aulcunes des plus notables femmes des Anglois, quy s’en alloient avecques leurs maris ; lesquelles faisoient piteulx doeuil à veoir, car il partit d’icelle ville de trois à quatre cents femmes , sans les enfants, dont il en y avoit grand nombre. Les unes portoient les petits berceaulx où estoient leurs enfants, sur leurs testes ; les aultres portoient les petits enfants sur leur col ; les aultres autrement, le mieulx qu’elles pouvoient ; et en tel estat se partirent les Anglois et leurs femmes, quy estoit pitié à regarder.