CHAPITRE IV

Comment les Jéuevolss se rébellèrent contre les François et occirent le lieutenant de Boussicault ; et comment Montagu eult la teste tranchée pour avoir mal gouverné les finances du roy.

En icellui an, Boussicault, mareschal de France, gouverneur de Jennes pour le roy, fut prié du duc de Milan, qu’il voulsist aller devers lui pour appaisier le débat de luy et de son frère. Sy se party Boussicault, et alla à Milan ; mais , tantost apprès son partement , ceulx de Jennes se rébellèrent contre les Francois, et cruellement occirent le seigneur de Toullette, lieutenant Boussicault, et les aultres Franchois se saulvèrent ès chastiaulx qui estoient en leurs mains.

Mais, sans tarder, ils furent assiégiés par Îles Jénevois5 et par le marquis de Montferrat, qui se mist avec ceulx de Jennes, et le firent leur duc à 10,000 ducats de gaiges par an. Le mareschal Boussicault fist depuis grant guerre aulx Jenevois ; mais enfin tout fut reconquis sur lui; et convint qu’il retournast en France t.

En icelle année fut accusé Montagu d’avoir mal gouverné les finances du roy, et qu’il s’en estoit fort enrichy ; et, par le conseil du roy, fut prins par le provost de Paris et jchiné 5, et puis son procès faict, et enfin fut condempné à morir et avoir la teste coppée, et son corps pendu au gibet.

(1) Schismatiques. (8) Grèce. (3) Génois.

(4) Voyez dans cette collection la chronique de Boucicaut. (5) Mis à la question.

un 2-0 0 man