CHAPITRE VI

L'assemblée que le roi feist contre les enfants d'Orléans, et comment il délaya la sentence qu'il avoit faict contre eulx.

Pour laquelle cause cy-devant dicte le roy fist grant mandement; et vinrent à luy de la part du duc Jehan de Bourgongne grant nombre de gens; entre lesquels estoit le duc de Brabant, le comte de Pointièvre, le comte de Saint- Pol ; etestoient nombrés 15 mille bachinets, et 17,000 hommes de trect, dont l'Ile-de-France en fut moult foullée et destruicte. Et, de l'autre costé, les Orliennois estoient logiés au Montle-Héry, à grant puissance, quy tant y faisoient de maulx que à merveilles. Sy fut advisé qu'il estoit besoing de trouver quelque bon moyen entre les partyes, ou aultrement tout le paysestoit perdu et destruit. Pour laquelle cause la royne alla devers les ducs d’Orliens, de Berry et de Bourbon, pour appaisier, se faire se pouvoit, les différens des partyes; mais pour remonstrance qu'elle sceust faire elle ne sceust trouver accord, et s’en retourna à Paris, et les Orliennois s’en allèrent logier jusques ès faulbours de Paris, du costé vers le Mont-le- Héry. Sy furent ceulx de Paris plus esmerveilliés que devant ; par quoy la royne fut de rechief envoyée devers les ducs d’Orliens, de Berry et de Bourbon, laquelle leur remonstra