CHAPITRE VII

la desplaisance que le roy avoit de ainssy veoir son pays et son peuple destruire, et que, à la vérité, se ils ne se pacifioient, le roy avoit intencion de déclairer touttes leurs terres confisquiées, et de leurs corps, se tenir les povoit, en faire justice, comme de ses ennemis rebelles et désobéissans. Quelque chose que la royne sceust dire, ne se voulurent accorder à nul traictié, tousjours demandant justice du duc Jehan de Bourgongne.

En tel estat retourna la royne, disant que plus le roy ne renvoyeroit devers eulx , mais procèderoit contre eulx en toutte rigoeur. La royne fist son rapport ; et véant le roy que les Orliennois faisoient de mal en pis, conclud premièrement leurs terres confisquiées, et secondement d'entrer en bataille contre eulx avec ses alliés.

Le duc de Berry sceut la conclusion que le roy avoit prins, pourquoi il envoya devers le roy, lui requérant qu’il fust content qu’il peust renvoyer devers luy pour trouver aulcun bon moyen entre les partyes. Le roy eult conseil de luy accorder sa requeste; car il estoit trop desplaisant de veoir les seigneurs de son sang en telle division. Sy délaya la sentence que devant avoit ordonné estre prononchiée, et dict qu'il vouloit que aulcun bon traictié se trouvast entre eulx. Les ambassadeurs orlienois et les gens du roy se trouvèrent ensamble, et sy bien besongnèrent que appointié fut que les partyes seroient d'accord et que retourneroient chacun en son pays, au moins de dommaige qu'ils pouroient faire au pays du roy ; et ne demourroit avec le roy que le comte de Mortaigne, ct que le roy manderoit le duc de Berry venir devers luy ; pareillement il manderoit le duc de Berry venir devers luy ; pareillement il manderoit le duc de Bourgongne affin que se aulcunes ordonnances estoient faictes pour le bien du royaulme, que l’ung n’y fust point appellé sans l’autre, comme ces choses sont plus au long et à plain déclarées ès lettres qui pour tous en furent faictes.