CHAPITRE VII

Comment le seigneur de Cros, en allant en ambassade dcvers le roy et le duc de Berry, fut rencontré des geus du duc d'urléans ct mené prisonnier à Blois.

Ne demoura guaires apprès che que le duc

de Bourgongne fust retourné en son pays, il envoya ses ambassadeurs devers le roy, qui lors estoit à Paris, et de Paris les ordonna aller à Bourges, devers le duc de Berry. Les amhassadeurs du duc de Bourgongne estoient le seigneur de Crov, le scigneur de Domes, et maistre Raoul le Maire, chanoine de Tournay.

Advint, quand ils orent besongnié, en allant de Paris à Bourges, ils furent rencontrés des gens du duc d'Orliens, quy prinrent le seigneur de Croy et laissèrent aller les deux aultres. Le seigneur de Croy fut mené à Blois, où il fut, comme l’on dict, durement interrogié et gehiné sur la mort du duc d'Orléans, penssant qu'il en fust ou eult esté cause, coulpable ou consentant; et fut mis en destroite prison. Et les aultres ambassadeurs allèrent devers le duc de Berry, et feirent leur legation ; et puis luy dirent comment les gens du duc d'Orléans avoient prins le seigneur de Croy, qui estoit chief de l'ambassade, et luy prièrent qu’il voulsist aydier à sa délivrance. Le duc de Berry le prist à grant desplaisir; et sans tarder manda au duc d'Orléans, par lettres signées de sa main, qu’il renvoyast devers luy, ou sy non il le réputeroit pour son ennemy. Le duc d'Orléans rescript assez courtoisement , en prolongeant la besongne d'autre part. Quand le roy et le duc de Guyenne én furent advertis, ils mandèrent au duc d'Orléans qu’il le délivrast, sur peine de mourir en leur indignacion ; mais il ne fist riens, ainssy que cy-après sera dict.