CHAPITRE VIII

pes lettres que les troîs frères d'Orléans envoyèrent au roy pour avoir justice de la mort de leur père; et des lettres de deliance qu'ils envoyérenl au duc de Bourgongne.

En l'an 1411, les trois frères d'Orléans entreprinrent de faire guerre au duc de Bourgongne, disant qu'il n’avoit point tenu la paix faicte à Chartres. Mais premièrement ils envoyèrent lettres au roy, lesquelles contenoient en effect la mort et occision de leur père, qui estoit son seul frère, lequel avoit le duc de Bourgongne faict occire par la grant hayne qu’il avoit à luy de longue main, et pour convoitise d'avoir le gouvernement du roy ; puis déclarèrent le péchié estre sy grant et sy énorme qu'oncques ne fut faict le pareil, at-

MÉMOIRES DE SAINT-REMY

rt411]

tendu la prochaineté de sang et l’alianche qui estoit entre eulx, et les allianches qu'ils avoient ensimble, non pas une seulle mais plusieurs, disant qu'ils portoient les enseignes l’ung de l’autre en signe d’amistié, et aultres plusieurs

, Choses qu’ils imposoient au duc de Bourgon-

Re nn eee MS ne ee ee

gne contre son honneur. Et puis ils mettoient en leursdictes lettres, comment après ce qu'il lot faict tuer ne luy suffist pas, ains le voult condempner après sa mort par faulses accusations ; puis dirent comment madame leur mère poursuivist devers le roy et son conseil pour avoir réparacion et justice du cas, et que le roy leur avoit promis qu'il leur feroit, dedens le Noël ensuivant, ou aultre jour certain; dont néantmoins il ne avoit rien faict ; puis déclarèrent toutte la manière que tint le duc de Bourgongne, quand il vint à Paris à main armée, et comment il alla à Chartres, devers le roy, là où une paix fu faicte par constrainte ou par faveur, et contre toutte raison, et qu’elle n'est pas digne de recittation; et mesmement que le duc de Bourgongne n’avoit point tenu les points contenus en icelle paix ; par laquelle ils ne devoient pourchasser l’ung ne l’autre, ne à leurs gens ou serviteurs faire mal ne dangiers. Et il avoit faict morir Montagu, après ce qu’il l’avoit faict jehiner sy terriblement que tous ses membres furent desrompus par jehine!, en hayne de ce qu’il estoit leur familier , si comme le remonstra à sa fin ; car quand on luy deult copper la teste, il affermoit et print sur la dampnation de son ame qu’il n’avoit oncques veu ne percheu que le duc d’Orliens deffunt pensast mal ne trayson contre le bien de Ja personne du roy. Secondement, pour che qu’il nourist et soustint les meurdriers quy par la dicte paix furent exceptés ; et tierchement qu'il avoit destitué de tous offices leurs favourables et bouttés arrière du roy, pour y mectre les siens et pour gouverner à son plaisir. Puis ramenteurent le voyage qu’ils firent de Chartres à Mont-le-Héry et de Mont-le-Héry à Vincestre, et la paix qui y fut faicte, par laquelle debvoient estre mis en conseil et gouvernement du roy hommes preudhommes, et non suspects, et loyaulx, et non pensionaires de nulles des parties ; et néantmoins le duc de Bourgongne, avant son partement, y avoit ordonné et laissié les siens familliers et serviteurs, par (1) Torture. (2) Vincennes.

lesquels tout estoit faict en l'hostel du roy, qui estoit chose directement faicte contre icelle paix. Finablement requirent au roy, par leurs lettres, qu'il ne voeulle souffrir la mort de leur père demourer impugnye, mais leur voeulle faire justice ainssy que au cas appartenoit.

Lesquelles lettres,'signées de leurs saings manuels, furent faictesà Jargiau, le 10° jour de juillet, l'an 1411; et furent venuesau conseil duroy, et sur icelles furent dictes et remonstrées pluiseurs oppinions. Mais néantmoins le due de Bourgongne avoit adonc tant d'amis à la cour du roy que riens n’y fut respondu qui fut aggréable aux enfans d'Orléans. Mesmement fut envoyée la coppie des dictes lettres au duc de Bourgongne, par quoi il congnut qu'il auroit guerre prochainement. Sy se prépara à toutte dilligence pour résister contre eulx et tous ceulx quy nuyre le polroient.

Durant che, envoyèrent ces enffans d’Orléans plusieurs semblables lettres à plusieurs bonnes villes, requérants que chascun leur fust en ayde de venger la mort de leur père. Et pour che que du roy ne de la royne ne du conseil ils n’eurent point de response, ils envoyèrent encore unes lettres aultres au roy, contenant manière de sommacion; disant, se provision ne leur estoit faillie, qu’ils la querroient par aultre manière. Sy que le roy fut meu de parler à la royne et au duc de Berry, et aultres, pour trouver aucun moyen pour les appaisier. Mais néantmoins on ne les pouvoit accorder ; car le duc de Bourgongne ne voulloit faire quelque réparacion aultre qu’il avoit faict à Chartres. Et vint la chose à telle conclusion que les enfans d'Orléans se conclurent seulement de faire guerre au duc de Bourgongne, à l’ayde de pluiseurs grans seigneurs quy leur avoient promis leur ayde et secours. Et de faict envoyérent lettres au duc de Bougongne et messages par les quelles ils le deffioient pour la mort du duc d'Orléans leur père; les quelles lettres furent données à Jargiau, le dix-huitième de juillet an dessus dict. Et quand le duc de Bourgongne eult veu et receu les lettres de deffiance, il fist responce aux enffans d'Orléans et rescript que pour raison et droicture il avoit faict tuer et occire leur père, et que une fois il les feroit amender che que ainssy l’avoient deffié et chargié son honneur. Et furent les lettres données à Douay, le treizième d’aoust en suivant.