CHAPITRE XV

remonstrance nulle n’y voulrent demourer ; et dirent qu'ils s’en iroient ; et se prinrent à trousser tentes et autres bagues ; et tous se mirent à retour vers leurs pays. Quand le duc de Bourgongne vit que remède n’y avoit, fut moult dolent, disant que ses ennemis estoient à une journée près de lui, qui diroient et publieroient partout qu'il s’en seroit enfui, et qu’il ne les osoit attendre. Quand le duc vit le délogement des Flamands, et qu’il demeuroit bien esseulé1, si eut conseil de soi retraire en Picardie, et ordonna le duc de Brabant, Anthoine, son frère, pour remener et conduire les Flamands au pays. Quand les Orliénois sceurent le deslogement des Flamands, et que le ducde Bourgongneestoit retourné en Picardie, ils en furent joyeux ; et par aucun moyen cuidèrent avoir le roi de leur parti; et tirèrent droit à Paris, pensants que les portes leur seroient ouvertes. Mais ils trouvèrent le contraire, car ceux de Paris leur firent telle résistance et si dure qu’il les convint retourner devers Saint- Denis, laquelle leur fut rendue; et logèrent dedans.