CHAPITRE XX

Comment le baïlly de Caen, cn Normandie, print aucuns des ambassadeurs et tous leurs papiers et instructions, que les ducs de Berry, d'Orliens et de Bourbon et autres, leurs alliés, envoyoient en Angleterre, l'an 1449.

Au commenchement de cest an 1412, les ducs de Berry, d’Orliens et de Bourbon, les comtes de Vertus, d’Angoulesme, d’Alenchon, d'Erminacq et le seigneur de Labret, soi disant connétable de France, avec eux aucuns grands seigneurs de leur alliance, pour eulx fortifier

et à leur pooir dé tout nuire au duc de Bourgongne, envoyèrent leurs ambassadeurs devers le roi Henri d'Angleterre, avec lettres garnies et scellées, et instructions, afin de besoigner avec lui selon la charge qu'ils avoient des seigneurs dessus nommés. Mais ainsi que ces ambassadeurs passoient sur le pays du Maine, pour aller en Bretagne, et de là en Angleterre, furent poursuivis par le bailly de Caen, en Normandie, lequel, à l’aide d’aucuns hommes qu'il assembla, les rua jus, et en print une partie avec toutes leurs lettres scellées et instructions, et les autres se sauvèrent le mieux qu’ils pol- * rent. Après ce jour, envoya toutes icelles escriptures et besognes au roi. Et estoient icelles lettres en un sac de cuir qui estoit scellé par: dessus, et pour icelles voir et visiter. Le premier merquedi après Pasques, le roi estant en l'hostel de Saint-Pol tenant son hostel, où estoient le roi de Secylle, les ducsde Guyenne et de Bourgongne,lescomtesde Charrolois,de Nevers, de Mortaing et plusieurs autres, fut proposé par le chancellier du duc de Guyenne d’assigner le seigneur de d’Ollehain {, comme n’a gaires lui avoit esté baillée en garde, par l'ordonnance du conseil du roi, un sacq de cuir, auquel estoient plusieurs papiers, qui avoient esté trouvé et pris par le bailly de Caen en la compagnie d’un chevalier chambellain du due de Bretagne, de frère Jacques Petit, de l’ordre de Saint-Augustin, et autres ambassadeurs des dessus nommés ; et là récita ledit chancellier, comment en icelui sacq avoient esté trouvé quatre blancs scellés de quatre grands sceaulx, et signés de quatre seings manuels, c'est assavoir Berry, Orliens, Bourbon et Alenchon:; et en chacun estoient leurs noms escripts dessus les sceaulx en marge, et n'y avoit autre escript. Et aussi avoient trouvé plusieurs lettres addressans au roi d'Angleterre, à la reine et à ses quatre fils, et pareillement au duc de Bretagne, au comte de Richemont et aussi à plusieurs autres grands seigneurs d'Angleterre. Et si portoit frère Jacques Petit plusieurs lettres de crédence, èsquelles n’avoit nulles subscriptions, adressants au roi et à la reine d'Angleterre; et furent icelles publiquement leutes, et par icellesnommoit, le duc de Berry, le roi d'Angleterre, « mon très redouté seigneur et nepveu, » et la reine,,« ma

(4) 11 s'appelait jean de Nielles.

MÉMOIRES DE SAINT-REMY

(ii

très redoutée dame niepce et fille ;» et estorent signées de la propre main du duc de Berry, et en icelles qu’il envoyoit à la reine, avoit escript deux lignes de sa main. En outre là furent, présents le roi et les prinees, et tout le conseil, montrés les blancs scellés des dessusdits, et les tint le roi en sa main : et si avoit une petite cedulle par manière de libelle, contenant une feuille de papier, auquel estoit l'instruction des dessusdits ambassadeurs ; et estoit contenu dedens comment ils réciteroient les propositions faittes par la duchesse d’Orliens et ses enfants, contre le duc de Bourgongne, pour la mort du duc d’Orliens; réciteroient aussi comment, par plusieurs fois, pour icelle mort ils avoient sommé et requis le roi à faire et avoir justice du duc de Bourgongne, laquelle ils n’avoient pu obtenir, pour tant que le duc de Bourgongne avoit tellement séduit le roi, disant comment le duc d'Orliens avoit esté faux et traistre contre le roi et sa majesté; et disoient aussi que le duc de Bourgongne avoit séduit le peuple, espécialement celuy de Paris; aussi fait courre langaiges que les dessus nommés volloient déposer le roi de sa couronne, et détruire sa génération, che qui estoit faux et n’avoient oncques pensé. Et si estoit aussi que le duc de Bourgongne avoit mis en indignation devers le roi Jean, duc de Bretagne, pour la cause qu’il avoit rompu le voyaige de Calais, et plusieurs autres choses que le duc de Bourgongne vouloit faire contre le roi d’Angleterre ; et comment il avoit séduit le peuple de Paris contre le roi et son fils de Guyenne; que tout entierement ils estoient gouvernés par leurs mains, etestoient devers eux en telle subjection que à peine osoient dire mot. Et ainsi ceux de Paris, sous ombre d’une bulle donnée par Urbain, pape quint,'pour les grands compagnies qui estoient venues en France, les dessus nommés et tous leurs alliés contre raison avoient esté dénoncés et excommuniés, et comment ils avoient contraint l’official de Paris par force, de faire procès contre eux, afin qu’ils fuyssent dénunchiés, excommuniés et rengrevés ; et apprès que bien se gardassent lesdits ambassadeurs d’eux descouvrir à homme d’Angleterre, s'ils ne sentoient qu’ils fuyssent de la bende des dessusdits. Et quand auroient dit publicquement au roi d'Angleterre ce que dessus est touchié, se lui dissent qu'ils avoient à

parler à lui à part; c'est assavoir comme ceux de Berry, Orliens, Bourbon et Allenchon vouloient du tout son bien et son honneur, et eux allier avec lui, et luy aider et conforter allencontre du duc de Bourgongne, et aussi contre ceux de Galles et d’Ibernie; et outre, luy dissent que au cas qu'ils ne polroient venir à leurs conclusions contre les Escochois, qu'ils s’ÿ emploieroient de tous leurs povoirs ; et se ainsi estoit que il ne se pocult faire, ils feroient tant que la paix seroit faicte entre lui et le roi. Et en outre que, s’il y avoit aucunes terres sur la mer où il voulsist faire aucunes demandes ou avoir aucun droit, ils feroient tant qu’il seroit content. Et lui dissent encoires, comment, par deffaulte de justice, ils venoient devers lui pour avoir droict et raison de la mort du duc d'Orliens; et comment, pour le rom de roi qu'il porte, lui appartient faire justice ; et que ce lui seroit plus grand honneur perpétuel de tant noble sang, comme estoit le duc d’Orliens. Et se lui dissent comment les dessus nommés le serviroient de tout leur povoir, lui et ses enfants, et aussi les siens, au temps advenir; laquelle chose pourroient bien faire contre tous les plus puissants et plus nobles du royaume de France. Et en outre, que lesdits ambassadeurs requissent au roi d'Angleterre, d'avoir trois cents lances et quatre mille archers, lesquels on payeroit pour quatre mois. En après, fut montré par ledit chancellicr de Guyenne un petit traité, lequel frère Jacques Petit avoit fait sur le gouvernement du roy de France, contenant plusieurs articles; et fut Jeu publicquement ; entre lesquels estoit que, sur chacun arpent de terre fut imposé une aide qui seroit nommé fons de terre. Et pareillement que en ce royaume on ait greniers de bled et d'avoine au profit du roi, et encore pluiseurs autres choses que pour cause de brief je ne voeul réciter, pour ce que les chroniques de France en font tout au long mention; car tant estoitgrande Ja haine contre le duc de Bourgongne, de ces seigneurs, qu’il ne leur chaloit qu’ils feissent pour estre vengiés de lui et le mettre au -dessous. Mesmement y avoit autres lettres lesquelles furent leutes publiquement, contenants que n’avoit gaires de temps que les ducs d’Orliens avec leurs alliés furent assemblés en la ville de Bourges, et que là ils avoient renouvellé leurs sermens, en concluant destruire le roi et le duc